Monday, October 24, 2011

အချစ်ဆုံးသူငယ်ချင်း သူမ အတွက် အမှတ်တရ

သတိမရတော့သောရည်းစားဦးဇာတ်လမ်း  နှင့် အမြဲတမ်းအမှတ်ရနေသောအချစ်ဆုံးသူငယ်ချင်းလေးအတွက်

တခါတလေတော့လည်း သတိရမိပါ၏။ အများအားဖြင့်တော့ မေ့လျော့နေပါတယ်။ ဘာအကြောင်းလဲ။ မောင်ထက်ခိုင်တို့ကတော့ စကားမစပ် ရေးချလိုက်ပြန်ပြီ။ ဟဲဟဲ။ ဒီလိုလေးရေးမှ ပိတ်သတ်ကြီးရဲ့ အာရုံကို ဖမ်းစားနိုင်တော့မပေါ့ဗျာ။ ဟုတ်ပါပြီ။ မောင်ထက်ခိုင် ပြောချင်တဲ့ အကြောင်းအရာက ဒီလိုပါ။ ရည်းစားဦးကို တစ်နှစ်မှာ ဘယ်နှကြိမ်သတိရပါသလဲ။ တစ်လမှာရော။ တစ်ပတ်မှာရော။ တစ်နေ့မှာရော။ ဒီလိုလာမေးလို့ကတော့ မောင်ထက်ခိုင်တို့ ခပ်ပြုံးပြုံးလေး ပြန်ဖြေလိုက်ပါမယ်။ လုံးဝကို သတိမရပါ။ အချစ်ဆုံးသူငယ်ချင်းကိုတော့ အမြဲတမ်း အောက်မေ့သတိရနေတတ်ပါတယ်။

ဒါဆို ရည်းစားဦးဇာတ်လမ်းကို ဘာလို့ စာတစ်စောင် ပေတစ်ဖွဲ့ ရေးနေသေးလဲ။ သတိမရရင် ရေးနေဖို့ လိုအပ်သေးလား။ ဟုတ်ပါတယ်။ မောင်ထက်ခိုင်ကတော့ သတိမရပါ။ မောင်ထက်ခိုင်ရဲ့ ငယ်သူငယ်ချင်းများကတော့ သတိရကြပါ၏။ စကားကြုံတိုင်းလည်း ပြောကြပါ၏။ သူတို့တွေရဲ့ ကိုယ်ပိုင် ရည်းစားဦး အကြောင်း မဟုတ်ပါ။  မောင်ထက်ခိုင်ရဲ့ ရည်းစားဦး အကြောင်းပါ။ မထူးဆန်းပေဘူးလား။ ထူးဆန်းတာက မောင်ထက်ခိုင်ရဲ့ အချစ်ဆုံးသူငယ်ချင်းသူမအကြောင်းကိုတော့ ဘယ်သူကမှ မမေးကြပါ။ သူမကလည်း မောင်ထက်ခိုင်ရဲ့ ရည်းစားဦးနဲ့ နောက်ထပ်များပြားလှသော ရည်းစားဟောင်းများအကြောင်းကို ဘယ်တော့မှ မမေးတတ်ပါ။

မောင်ထက်ခိုင်နဲ့ ငယ်သူငယ်ချင်းတွေ ပြန်တွေ့ရင် ဖြစ်စေ၊ အွန်လိုင်းမှာ ဂျီတော့ခ ပြောကြသည်ဖြစ်စေ။ သူတို့တွေကတော့ မောင်ထက်ခိုင်ကို မေးကြပြန်ပါပြီ။ မောင်ထက်ခိုင်ရဲ့ ရည်းစားဦး အကြောင်း။ အဆက်အသွယ် ရှိသေးလား ဆိုတာက တစ်မျိုး။ ပြန်ဆက်သွယ်ပါဦးလားက တစ်ဖုံ။ စောင့်နေလား မသိဘူးနော် ဆိုတာက တစ်ခါ။ ဒီအကြောင်းကိုပဲ မောင်ထက်ခိုင်ကို အမျိုးမျိုး မေးကြ ပြောကြပါတယ်။ နောက်တစ်မျိုးရှိပါသေးတယ်။ တကယ်လို့များ မောင်ထက်ခိုင်ရဲ့ ရည်းစားဦး အကြောင်းကို သူတို့ တစ်နေရာက ကြားလာခဲ့ရင် တကူးတက မောင်ထက်ခိုင်ကို အကြောင်းကြားကြပါသည်။

ကဲ။ ငယ်သူငယ်ချင်းတို့ရေ။ မောင်ထက်ခိုင် ဒီနေရာကပဲ တစ်ခါပဲ ရှင်းပြပါမည်။

မောင်ထက်ခိုင် ပထမဆုံး ရည်းစား စထားတော့ တော်တော် ငယ်ပါသေးသည်။ အများသူငါတွေ ဆော့လို့ကစားလို့ ကောင်းတုန်း အရွယ်ပါ။ မောင်ထက်ခိုင်တို့က ငယ်ငယ်လေးတည်းကအစွယ်လေးနဲ့ပါ။ မောင်ထက်ခိုင်က ကိုယ့်ဟာကိုယ် စာတွေ ကဗျာတွေ ဖတ်လို့ လူကြီးဂိုက်ဖမ်းနေပါပြီ။ ထားပါတော့။ မောင်ထက်ခိုင် ဒီအရွယ်လေးနဲ့ ရည်းစားထားမယ်ပေါ့။  မလောက်လေးမလောက်စား ခပ်ငယ်ငယ်ကောင်လေးတစ်ယောက် ရည်းစားထားမယ် ဆိုတော့ ဘယ်သူက ဂရုစိုက်ပါ့မလဲ။ ဆယ်ကျော်သက်လေး သစ်ရွက်လှုပ်လို့ ရယ်သည်ပေါ့။ ဘယ်အပျိုမက ရေးရေးရာရာလုပ်လို့ မောင်ထက်ခိုင်ကို စိတ်ဝင်စားပါမည်နည်း။ မောင်ထက်ခိုင်ကို အစ်မကြီးတွေက စိတ်မဝင်စားလည်း ရပါတယ်။ ရွယ်တူ ကောင်မလေးတွေ ရှိသားပဲ။ မောင်ထက်ခိုင်က ခပ်ငယ်ငယ် ဆိုတော့ ကိုယ့်ထက်ငယ်တာလေးတွေကို စဉ်းစား၍ မရပါ။ လေးဘက်သွားကလေးများကလည်း ရည်းစားထားရန် စိတ်မဝင်စားပါ။

မောင်ထက်ခိုင်ရဲ့ ပစ်မှတ်က သက်တူရွယ်တူတွေဆိုတော့ ဘယ်နေရာက စမလဲ။ ဝေးဝေးပြေးမကြည့်ပါနဲ့လေ။ မောင်ထက်ခိုင်ရဲ့ အတန်းထဲက ကောင်မလေးများပေါ့။ ဟုတ်ပါပြီ။ ပစ်မှတ်တွေကို တန်းစီပြီး ရွေးလိုက်တော့ လက်ရွေးစင် သုံး လေး ငါးယောက်လောက် ထွက်လာပါတယ်။ မောင်ထက်ခိုင်လည်း ရည်းစားစာလေး မတတ်တတတ်နဲ့ ရေးလို့ ပေးဖို့ကြံရပါတယ်။ ဒီနေရာမှာ မောင်ထက်ခိုင် မစဉ်းစားမိတာက မောင်ထက်ခိုင်အတန်းထဲက ကောင်မလေးတွေကို တစ်ချိန်တည်း တစ်ပြိုင်တည်း ရည်းစားစာပေးရင် သူတို့ အချင်းချင်း ပြန်သိကုန်မှာကိုပါ။ ဒီအခန်း ကျဉ်းကျဉ်းလေးမှာ ကောင်မလေးတွေ ဆိုတာ အချင်းချင်း စကားတွေပြောကြမှာပေါ့။ ဒါကို မွှန်ထွှန်နေသော မောင်ထက်ခိုင်မစဉ်းစားမိပါ။

နေပါဦး မောင်ထက်ခိုင်ရယ်။ ဒီရည်းစားစာတွေကို ဘယ်သူက ပေးပေးမှာလဲ။ မောင်ထက်ခိုင် ကိုယ်တိုင်ပေးဖို့လည်း မဖြစ်နိုင်ပါ။ သူရဲကောင်းကြီး မောင်ထက်ခိုင် အကြံအိုက်သွားပါတယ်။ ဒါပေမယ့် သိပ်အကြာကြီး မစဉ်းစားလိုက်ရပါ။ ကူညီပေးမယ့် မီးအိမ်ရှင်မလေးကို သွားတွေ့ပါပြီ။ ဘယ်သူရှိရမှာလဲ။ မောင်ထက်ခိုင်ရဲ့ အချစ်ဆုံးသူငယ်ချင်း ကောင်မလေးပေါ့။ ဒီလိုနဲ့ သူမအကူအညီကို တောင်းပြီး အောင်မြင်စွာ ရည်းစားစာ ပေးနိုင်ခဲ့တယ်။ သူမကပဲ အကြံပေးပါတယ်။ အခြားတန်းခွဲတွေက ကောင်မလေးတွေကို တစ်တန်း တစ်ယောက်စီ စာပေးဖို့ပါ။ အားလုံးထဲက တစ်ယောက်လောက်တော့ ပြန်ကြိုက်ကောင်းပါရဲ့ပေါ့နော်။

အလဲ့။ မောင်ထက်ခိုင်မှာ ရည်းစားမရခင် အချစ်ဆုံးသူငယ်ချင်းကောင်မလေး ရှိတယ်လား။ ဟုတ်ကဲ့ခင်ဗျ။ ရှိပါတယ်။ ဘယ်လို ခင်သွားတာတုန်း။ သူမနဲ့ အချစ်ဆုံးသူငယ်ချင်း အဖြစ် ချစ်ခင်သွားကြပုံကတော့ ရယ်စရာလည်း ကောင်းပါတယ်။ ကြားဖြတ်လေး စကားသင့်လို့ ပြောပြပါဦးမယ်။ မောင်ထက်ခိုင်ရဲ့ သူငယ်တန်း အစောပိုင်းကာလများမှာပေါ့။ မောင်ထက်ခိုင်တို့ ကျောင်းမှာက ကောင်ကလေးတွေနဲ့ ကောင်မလေးတွေကို တစ်တွဲ ထိုင်ခိုင်းပါတယ်။ ထိန်းရကျောင်းရ လွယ်ကူအောင်ပါ။ ဒါဆို သူမက မောင်ထက်ခိုင် အတွဲလား။ ဒီလိုလည်း မဟုတ်သေးပါ။ ဇာတ်လမ်းလေးက ဒီလောက် မရိုးရှင်းပါ။ မောင်ထက်ခိုင်နဲ့ ပထမဆုံးအတွဲကျတဲ့ ကောင်မလေးက သပ်သပ်ပါ။ ပထမအတွဲက ကောင်မလေးက မောင်ထက်ခိုင်ထက် လူကောင်ထွားပါတယ်။ မောင်ထက်ခိုင်ကိုလည်း အနိုင်ကျင့်တတ်ပါတယ်။ ထမင်းစားရင် မုန့်စားရင် လုစားလား စားရဲ့။ နေ့လည်နေ့ခင်း အိပ်ချိန်မှာ အပ်နဲ့ ထိုးလား ထိုးရဲ့။ အဆိုးဆုံး မှတ်မှတ်ရရကတော့ မောင်ထက်ခိုင်ရဲ့ မျက်လုံးထဲကို အမှိုက်သရိုက်တွေ ဖုန်တွေ ကောက်ထည့်တတ်တာပါ။ စာသင်နေရင်းလည်း ခဲတံအချွန်နဲ့ ထိုးချင်ပါသေးတယ်။ ဒီတော့ မောင်ထက်ခိုင်မှာ သူမရန်ကပဲ ကြည့်ရှောင်နေရပါတယ်။ သူမနဲ့ မောင်ထက်ခိုင် တိုးတိုးကြိတ်ကြိတ် ရန်ဖြစ်နေတာကို တွေ့သွားတဲ့ ဆရာမက မောင်ထက်ခိုင်တို့ တွတ်တွတ်ထိုး စကားပြောနေတယ်လို့ ထင်သွားပါတယ်။ စာသင်နေတာကို အနှောင့်အရှက်ပေးပါတယ် ဆိုတဲ့ စွပ်စွဲချက်နဲ့ မောင်ထက်ခိုင်နဲ့ သူမကို နေရာ ခွဲပစ်လိုက်ပါတယ်။

မောင်ထက်ခိုင်မှာ ပျော်လိုက်သည် ဖြစ်ခြင်း။ ကံဆိုးသူ သကောင့်သားနောက်တစ်ယောက်တော့ သူမ ဒဏ်ကို ခါးစည်းပြီး ခံပေတော့။ မောင်ထက်ခိုင်ကို စကားများတဲ့ ကောင်လေးတစ်ယောက် အဖြစ်နဲ့ ငြိမ်ဆိမ်တိတ်ဆိတ်တဲ့ ကောင်မလေးတစ်ယောက်နားကို ရွှေ့ထိုင်ခိုင်းပါတယ်။ ဒီကောင်မလေးကတော့ မောင်ထက်ခိုင်ရဲ့ အချစ်ဆုံးသူငယ်ချင်းမလေး ဖြစ်လာမယ့် ကောင်မလေးပါ။ သူမကတော့ မောင်ထက်ခိုင်ရဲ့ ဟီးရိုး သူရဲကောင်း ဖြစ်ပြီး အရင်တစ်ယောက်ကတော့ ဗီလိန်ဘီလူးမပေါ့။ ဘီလူးမလေး အကြောင်း သူရဲကောင်းမလေးကို မောင်ထက်ခိုင်က ရင်ဖွင့်တော့ ငြိမ်ငြိမ်အေးအေးနေတတ်တဲ့ ကောင်မလေးဟာ မခံမရပ်နိုင် စိတ်ဆိုးဒေါသထွက်ပါတယ်။ မဟုတ်မခံစိတ်နဲ့ အမှန်တရားဘက်က ရပ်တည်မယ်ပေါ့။ မောင်ထက်ခိုင်ကတော့ မျက်လုံးလေး ကလည်ကလည်နဲ့ သူမကို အားကိုးတကြီး ယုံကြည်ကိုးစားလိုက်ပါတယ်။ မောင်ထက်ခိုင်တို့တွေ နေရာချိန်းပြီးခါစမှာ ဘီလူးမလေးက ထမင်းစားချိန်မှာ ထုံးစံအတိုင်း မောင်ထက်ခိုင်ကို အနိုင်ကျင့်ဖို့ ရောက်လာပါတယ်။ မောင်ထက်ခိုင်ရဲ့ ထမင်းဗူးကို မိုက်ကြေးခွဲမယ်ပေါ့။ မရတော့ဘူးလေ။ မောင်ထက်ခိုင်မှာက ဟီးရိုးကြီး ရှိနေပြီ။ ဘီလူးမလေးလည်း မောင်ထက်ခိုင်ဆီလာပြီး အနိုင်ကျင့်ဖို့ ကြိုးစားတဲ့ အချိန်မှာ သူရဲကောင်းမလေးက မောင်ထက်ခိုင်ဘက်က ရပ်တည်ပေးပါတယ်။ အနိုင်မကျင့်ဖို့ အကျိုးသင့် အကြောင်းသင့်ပြောပြပြီး တားပါတယ်။ သူငယ်တန်းကလေးငယ်တွေမှာ စကားလုံး များများစားစားမရှိပါ။ မကောင်းဘူး။ မလုပ်နဲ့ တားပါတယ်။ မရပ်ဘူး။ ဆက်လုပ်ရင် ခြေမြန်လက်မြန်ရှိလှတဲ့ သူရဲကောင်းမလေးက ဆော်ပါတယ်။ လူစွမ်းကောင်းနဲ့လည်းတွေ့ရော ဘီလူးမလေး တပ်ခေါက်ပြေးပါတော့တယ်။ နောက်နောင်လည်း မောင်ထက်ခိုင်ကို အနှောင့်အရှက်မပေးတော့ပါဘူး။ မောင်ထက်ခိုင်လည်း အဲဒီအချိန်က စပြီးတော့ သူရဲကောင်းမလေးကို အချစ်ဆုံးသူငယ်ချင်းရာထူး ပေးလိုက်ပါတော့တယ်။ အချစ်ဆုံးသူငယ်ချင်းဇာတ်လမ်းကို အကျဉ်းရုံးပြီး တင်ပြလို့ပြီးပါပြီ။

ရည်းစားဦးဇာတ်လမ်း ပြန်ဆက်ကြစို့။  မောင်ထက်ခိုင်ရေးထားတဲ့ ရည်းစားစာကို သူမကပဲ တည်းဖြတ်ပေးပါတယ်။ ကောင်မလေးတွေ ဖတ်ချင်စဖွယ်ပေါ့လေ။ ရှင်းလည်း ရှင်းပြပါတယ်။ စကားလုံးရွေးချယ်မှုက အစပေါ့။ မောင်ထက်ခိုင် ဆရာတင်ရတဲ့ အချစ်ဆုံးသူငယ်ချင်းပါ။ သူမ စာပေးပေးတဲ့ ကောင်မလေး လေးယောက်ထဲက မောင်ထက်ခိုင်အတွက် ရည်းစားလေးတစ်ယောက် ရပါတယ်။ မောင်ထက်ခိုင် ဝမ်းသာလိုက်တာ ရင်တောင်တုန်တယ်။ သူငယ်ချင်းသူမကိုလည်း မုန့်တွေ အများကြီး ဝယ်ကျွေးပါတယ်။ သူမရဲ့ စွမ်းဆောင်ချက်တွေ အများကြီးပါသကိုး။

ဇာတ်ပေါင်းလိုက်တော့ မောင်ထက်ခိုင်မှာ ပထမဆုံးရည်းစားနဲ့ စာသင်နှစ် တစ်ဝက်လောက် ကြိုက်လိုက်ရပါတယ်။ ကြိုက်နေတဲ့ အတောအတွင်းမှာတော့ မောင်ထက်ခိုင်တို့ အရူးအမူးပေါ့။ ပန်းတွေ ချောကလက်တွေ အမွှေးပွအရုပ်တွေ ပလူပျံလို့။ ဒီလိုနဲ့ ကျောင်းရဲ့ စံပြချစ်သူစုံတွဲလေးဖြစ်လာပါတယ်။ မောင်ထက်ခိုင်တို့ အထက်တန်းကျောင်းမှာတော့ ဒီစုံတွဲလောက် ချစ်တာ မရှိဘူးပေါ့။ ကောင်လေးတွေကော ကောင်မလေးတွေကော အားကျ အတုယူလို့။ ရည်းစားတွေ အပြိုင်အဆိုင် ထားကြတဲ့အထိတောင် ဖြစ်လိုက်ပါသေးတယ်။ ဒါပေမယ့်ပေါ့ဗျာ။ ကျောင်းမှာ နာမည်ကြီးလာတော့ ဆရာမတွေက မျက်စိ စပါးမွှေးစူးလာပါတယ်။ မျက်လုံးဒေါက်ထောက်လိုက်ကြည့်လာပါတယ်။ ဒီကြားထဲမှာမှ ကံကဆိုးချင်တော့ သူမကို ပေးတဲ့ စာတစ်စောင်က ဆရာမတွေ လက်ထဲရောက်သွားပါတယ်။ ပုံမှန်ကတော့ မောင်ထက်ခိုင်တို့ စုံတွဲရဲ့ စာပေးစာယူကို မောင်ထက်ခိုင်ရဲ့ အချစ်ဆုံးသူငယ်ချင်းကောင်မလေးက တာဝန်ယူတာပါ။ သူငယ်ချင်းသူမ နေမကောင်းလို့ ကျောင်းမလာနိုင်တဲ့ နေ့မှာမှ ငါးပါးမှောက်တာပါ။ ဒီလိုနဲ့ ဆရာမကြီးက နှစ်ဖက်မိဘခေါ်ပြီး တစ်ခါတည်း ပေးစား။ ဟယ်။ ဟုတ်ပေါင်။ ခံဝန်ချက်လက်မှတ်ထိုးပြီး ချစ်ခြင်းကို ခွဲလိုက်ကြပါတယ်။ မောင်ထက်ခိုင်တို့ကျောင်းရဲ့ ရိုမီယိုနဲ့ ဂျူးလီယက် ဇာတ်လမ်းအသစ်ကလေးပေါ့။  နောက်တော့လည်း အတန်းတင်စာမေးပွဲပြီးလို့ ကျောင်းတွေ ပိတ်တော့ ကွဲသွားပါတယ်။ ကျောင်းပြန်ဖွင့်တော့ မောင်ထက်ခိုင်ရဲ့ ရည်းစားဦးလေးသူမကို သူမမိဘတွေက မိန်းကလေးကျောင်းပြောင်းလိုက်လို့ ဇာတ်လမ်းလေးက အပြီးပြတ်သွားပါတယ်။

မောင်ထက်ခိုင်လည်း နောက်ထပ်ဇာတ်လမ်းလေးတွေ တစ်ပုံတစ်ပင်ဆိုတော့ ရည်းစားဦးသူမကို သတိမရတော့ပါ။ အချစ်ဆုံးသူငယ်ချင်းသူမကိုသာ အမြဲတမ်းသတိရပါ၏။ ဘာကြောင့်လဲ။ ရည်းစားဦးရဲ့ ပါဝင်ပက်သက်မှုက သူငယ်ချင်းရဲ့ ပါဝင်ပက်သက်မှုထက် နည်းလို့ပါ။ ရည်းစားဦးအကြောင်း  ရှားရှားပါးပါး စဉ်းစားမိရင် သူငယ်ချင်းမလေးက မပါမဖြစ်ပါ။ သူငယ်ချင်းသူမအကြောင်း ခဏခဏ စဉ်းစားမိရင်တော့ သူငယ်ချင်းမလေးအကြောင်းပါပဲ။ ဘယ်သူမှ လာမရောနိုင်ပါ။  မောင်ထက်ခိုင်အပေါ်မှာ ထားတဲ့ အချစ်ဆုံးသူငယ်ချင်းသူမရဲ့ မေတ္တာ စေတနာတွေဟာ ဘယ်သူနဲ့မှ မတူပါ။ မောင်ထက်ခိုင်အတွက် အဖြူစင်ဆုံးပေးဆပ်တတ်တဲ့ သူမပါပဲ။

ဒီနေရာကပဲ ကြေငြာလိုက်မယ် သူငယ်ချင်းတို့ရေ။ ရည်းစားဦးထက် အချစ်ဆုံးသူငယ်ချင်းမလေးကို ပိုချစ်ပါ၏လို့။

စာကြွင်း
ပိတ်သတ်ကြီးကတော့ ထင်မှာပဲ။ စရေးတုန်းက ရည်းစားဦးအကြောင်းရေးပြီးတော့ အချစ်ဆုံးသူငယ်ချင်းမလေးအကြောင်းနဲ့ အဆုံးသတ်သွားတယ် ဆိုပြီးတော့။ မောင်ထက်ခိုင် စာမရေးတတ်သေးကြောင်း ရှက်ရှက်နဲ့ ဝန်ခံရပါမည်။ ပထမရေးနေသော အကြောင်းအရာကနေ နောက်အကြောင်းအရာတစ်ခုကို ခုန်ကူးသလို ဖြစ်သွားပါသည်။ အမှန်ကတော့ အကြောင်းအရာနှစ်ခုကို ယှဉ်ပြီး တင်ပြချင်တာပါ။ မရေးတတ်တော့ အရာမထင်သလိုပါပဲ။ ဖတ်လို့တော့ ဖြစ်သွားပါတယ်။ စာကောင်းကောင်းတစ်ပုဒ်တော့ မဟုတ်ပါ။ တင်ဆက်ပုံ ညံ့ဖျင်းလို့ပါ။

မောင်ထက်ခိုင်

အောက်တိုဘာ ၂၄ ၂၀၁၁

အချစ်ဆုံးသူငယ်ချင်း သူမ အတွက် အမှတ်တရ

Friday, October 21, 2011

လှောင်အိမ်ထဲက ငှက်တစ်ကောင်

လှောင်အိမ်ထဲက ငှက်တစ်ကောင်


မျက်နှာ ဘယ်နား ထားရမှန်းတောင် မသိတော့ပါ။

စွပ်စွဲချက်တွေက ကြောက်ခမန်းလိလိပါလား။ စကားလုံးတွေက ပြင်းထန်လွန်းလိုက်တာ။

အဲလောက် မုန်တိုင်းဆင်ဖို့ လိုအပ်လို့လား။

ဘာအမှားမှ မလုပ်ဘဲနဲ့ အပြစ်ဒဏ် ပေးနေကြပြီ။

ရည်းစားလား။ မရှိပါ။ ယောက်ျားလေးသူငယ်ချင်း မရှိပါ။

ဘာတွေကို ကြောက်လန့်နေကြတာလဲ။

ယောက်ျားလေးသူငယ်ချင်းကောင်းကောင်းတွေ ရှိပါတယ်။

လူတိုင်းကို မယုံရဘူးတဲ့လား။

ကလေးတစ်ယောက်ရဲ့ ရင်ထဲ ဝင်ကြည့်စမ်းပါ။

စိတ်ဆိုးရင် ဘယ်သူ့ကို ဆူလို့ဆဲလို့ ရမှာလဲ။

ဘယ်သူ့ကို အပြစ်တင်ရမလဲ။

နေ့နေ့ညည သူများ မျက်နှာ ကြည့်နေရတဲ့ ဘဝမှာ ဘယ်သူ ပျော်မှာလဲ။

စိတ်ထင်ရာ လျှောက်သွားပစ်လိုက်ချင်တယ်။

ရောက်ချင်ရာ ရောက်စမ်း။ ပေါက်ချင်ရာပေါက်စမ်း။

ဘယ်လို အရေခွံကို ခြုံပြီး ဘယ်လို သတ္တဝါလို နေရမှာလဲ။

ဆံပင်ပုံစံကို ဖျက်စီးညှပ်တောက်လိုက်ရင် ပြသနာ အားလုံး ချုပ်ငြိမ်းသွားမှာလား။

ဒါဆိုလည်း လုပ်လိုက်လေ ကြာသလားလို့။

ထူးတော့ မထူးပါဘူး။ အဝတ်အစားပါ လိုက်ချုပ်ချယ်နေမှတော့ စိတ်ညစ်ညူးလိုက်တာလေ။

သံမဏိ စည်းကမ်းတွေကို မုန်းတယ်။

သံလက်ဝါးကြီး ကျဆုံးပါစေ။

ကိုယ်ရေးကိုယ်တာတွေကို လွတ်လပ်စွာ ထုတ်ဖော်ခွင့်ကို ပြင်းပြင်းပြပြ တောင်းတမိသည်။

ဒိုင်ယာရီရေးသူ နဲ့ ခိုးဖတ်သူ။ ဘယ်သူ့မှာ အပြစ်ရှိသလဲ။

လမ်းမှာ တွေ့ရင် မေးပေးကြပါ။

ဘယ်အငြိုးနဲ့ ဒီလောက်တောင် ရက်စက်နေရတာလဲလို့။     ။


ဟိုးအဝေး

အောက်တိုဘာ ၂၁ ၂၀၁၁

Tuesday, October 18, 2011

မော်ဒန်ရင်ဘတ်

မော်ဒန်ရင်ဘတ်

စာဖတ်သူ နားမလည်တာ မော်ဒန်ကဗျာ တဲ့လား။
ဒါဆို မင်းနားမလည်တဲ့ ငါ့ရင်ဘတ်တစ်ခုလုံး မော်ဒန်သွားပြီ။
ချမ်းတယ် လွမ်းတယ် ပန်းကလေးရယ်။
စိမ်းနေရင်ပြော နီနေရင်ဘီးဇီး မုန်းရင်ရီမုဗ်တတ်တဲ့ ကောင်မလေးရေ
အိုင်ပေါ့ထဲက သီချင်းတွေလို ရိုးသွားရင် ထုတ်ပစ်လိုက်တော့မှာလား။

မိုးရွာလိုက် နေသာလိုက် ဒါပေမယ့် အချမ်းက လျော့မသွားသလိုပဲ
ဖုန်းခေါ်ချင်ခေါ်လိုက် မခေါ်ချင် မေ့မေ့ထားတတ်ပေမယ့်
ရင်ထဲက သတိရစိတ်ကိုတော့ ဘယ်လိုမှ လျှော့လို့ မရပါဘူး။
သတိမရဘူးလို့ မင်း ထင်နေပေမဲ့ ငါ လွမ်းနေဆဲပါ။

ညက အိပ်မက်တယ်။ ဖြတ်ကနဲ ကျောခိုင်းသွားသတဲ့။
အိပ်နေတုန်းမှာ တွေ့တာတောင် ခပ်တည်တည် ထွက်ခွါသွားနိုင်ရက်တယ်။
သစ္စာစောင့်နတ်သမီးရယ် ဒီအတိုင်း ကြည့်နေတော့မှာလား။
တိုင်တည်တိုင်းသာ ပြည့်မယ်ဆိုရင် တစ်က ပြန်စချင်တယ်။
သူမနဲ့ စတွေ့တဲ့ ပထမဆုံးနေ့ကို ပြန်ရောက်ချင်တယ်။

အမှောင်တွေကို ကြောက်တယ်။ အလင်းကို ရင်မဆိုင်ရဲဘူး။
ဘာကြောင့် လင်းလိုက် မှောင်လိုက်မှာ မင်းပုံရိပ်တွေ ထပ်နေတာလဲ။
ငါ့မျက်လုံးတွေကို ဖောက်ထုတ်လိုက်ရမလား။
မင်း အကြည့်တွေကို မမြင်ရတော့မှာလည်း ငါ သေမလောက် ကြောက်ပါတယ်။

ငါ့အနား မင်းရှိရင် ခွန်အားပါ။ မင်းအနား ငါရှိတော့ အလကားတဲ့လား။
တိုင်ပင်စရာရှိတော့ ဘယ်သူ့ကို အားကိုးရမလဲ။
လူတွေက ပြောတယ် ငါ့ညာလက်ရုံး ပြုတ်ပြီတဲ့။
မဟုတ်ဘူး မဟုတ်ဘူး။ လုံးဝ မဟုတ်ဘူး။
ငါ့နှလုံးသား ကြေပြုန်းသွားတာပါ။ အားလုံး ပြိုလဲကုန်ပြီ။

အတူတူရှိနေတုန်းက ပျော်ရွှင်ခဲ့တာတွေက ဘာကြောင့်လဲ။ ဘယ်အတွက်လဲ။
ငါပဲ အသုံးမချတာလား။ ကံမကောင်းတာလား။
အချစ်စစ်စစ်တွေ့ရင် အိတ်ထဲထည့် အပိုင်သိမ်းထားပါ မိတ်ဆွေ။
နောက်တစ်ကြိမ် ဆိုတာ မသေချာဘူးလေ။
သေချာတာကတော့ သူမ ငါ့ကို ထားသွားပါပြီ။   ။

ဟိုးအဝေး
အောက်တိုဘာ ၁၈ ၂၀၁၁

Thursday, October 6, 2011

“ဆာလောင်မွတ်သိပ်ပါ… အရူးထပါ…” (Steve Jobs ပြောကြားခဲ့သည့် မိန့်ခွန်း)

၂၀၀၅ ခုနှစ် ဇွန်လ ၁၂ရက် နေ့တွင် ကျင်းပခဲ့သော Stanford တက္ကသိုလ် ဘွဲ့နှင်းသဘင် အခမ်းအနားတွင် Apple Computer နှင့် Pixar Animation Studio တို့ကို စတင်တည်ထောင်ခဲ့သူ Steve Jobs ပြောကြားခဲ့ သည့် မိန့်ခွန်း


ကမ္ဘာ့အကောင်းဆုံး တက္ကသိုလ်ကြီးတခုရဲ့ ဘွဲ့ရ မောင်မယ်များကို တွေ့ဆုံစကားပြောခွင့်ရတဲ့အတွက်ကြောင့် အင်မတန် ဂုဏ်ယူမိကြောင်း ပြောပါရစေ။ ကျနော်ဟာ တက္ကသိုလ်ဘွဲ့ရ တယောက်မဟုတ်ပါ။ အမှန်အတိုင်း ပြောရရင် ဘွဲ့နှင်းသ ဘင် အခမ်းအနားဆိုတာ ဒီနေ့မှ တက်ဖူးတာပါ။ ဒီ ဘွဲ့နှင်းသဘင် အခမ်းအနားမှာ ကျနော့်ဘဝ ဇာတ်လမ်းလေး သုံးပုဒ် ပြောပါရစေ။ မိန့်ခွန်းအရှည်ကြီး မဟုတ်ပါ။ ကြီးကြီးကျယ်ကျယ် အကြောင်းအရာတွေ မဟုတ်ပါ။ ဇာတ်လမ်း သုံးပုဒ် ထဲ ပါ။
ပထမဆုံးဇာတ်လမ်းကတော့ ဆက်စပ်ပုံဖော်ခြင်း အကြောင်းပါ။
ကျနော် Reed College မှာ ခြောက်လပဲ တက်ပြီး ကျောင်းထွက် ခဲ့ပါတယ်။ ဒါပေမဲ့ ကျောင်းက မခွါနိုင်သေးပဲ နောက် ၁၈ လလောက် အတန်းတွေ ဆက်တက်ခဲ့ပါတယ်။ ကျနော် ဘာကြောင့် ကျောင်းထွက်ခဲ့ရတယ် ထင်ပါသလဲ။
ဒီဇာတ်လမ်းက ကျနော် မမွေးခင် အချိန်ကစပြီး ပြောပြရမှာပါ။ ကျနော့်ကို ကိုယ်ဝန်ရှိတဲ့အချိန်မှာ အမေဟာ အိမ်ထောင် မရှိသေးတဲ့ ဘွဲ့လွန်ကျောင်းသူ တယောက်ပါ။ အဲဒါကြောင့်လည်း ကျနော့်ကို မွေးစားဖို့ ပေးလိုက်မယ်လို့ ဆုံးဖြတ်ခဲ့ပါ တယ်။ ကျနော့်ကို မွေးစားမဲ့ မိဘများဟာ ဘွဲ့ရပညာတတ်တွေသာ ဖြစ်သင့်တယ်လို့ အမေ့ စိတ်ထဲမှာ အကြီးအကျယ် စွဲနေခဲ့ပါတယ်။ ဒါကြောင့်လဲ ဥပဒေပညာရှင် တယောက်နဲ့ သူ့ဇနီးတို့က ကျနော့်ကို မွေးပြီးပြီးချင်း လွှဲယူလိုက်ဖို့ ကြိုတင် စီစဉ် ထားခဲ့ပါတယ်။ ဖြစ်ချင်တော့ ကျနော် ကို “အူဝဲ” ဆိုပြီး မွေးလိုက်တဲ့အချိန်မှာ သူတို့က မိန်းကလေးမှ လိုချင်ပါ တယ်လို့ စိတ်ပြောင်း သွားခဲ့ပါတယ်။ ဒါကြောင့်မို့ အချိန်မတော် ညကြီးသန်းခေါင်မှာ မွေးစား မိဘလောင်း တန်းစီစာ ရင်းထဲက ကျနော့်မိဘများကို ဖုံးဆက်ခဲ့ပါတယ်။
“ဒီမှာ မမျှော်လင့်ဘဲ ယောကျာင်္းလေး တယောက် ရထားတယ်။ ယူမလား…” တဲ့။ မိဘများကလဲ “သိပ်ယူတာပေါ့…” တဲ့။ အဲဒီလို ပေးလိုက်ပြီးမှ ကျနော့်ရဲ့ အမေဟာ ဘွဲ့ရပညာ တတ်မဟုတ်တာ၊ ကျနော့်ရဲ့ အဖေဟာလဲ အထက် တန်းကျောင်း တောင်မှ မအောင်တာကို ကျနော့် မွေးမိခင်က သိသွားတာပါ။ မွေးမိခင်ဟာ မွေးစားစာချုပ်မှာ သဘောတူကြောင်း လက် မှတ်ထိုးမပေးခဲ့ပါဘူး။ နောင်လပေါင်း အတော်ကြာပြီး ကျနော့်ရဲ့ မိဘတွေက ကျနော့်ကို “တက္ကသိုလ် ထားပေးပါ့မယ်…” လို့ ကတိပေးမှ မွေးမိခင်က စိတ်လျော့ပြီး လက်မှတ်ထိုးပေးခဲ့တာပါ။
နောက် ၁၇ နှစ် အကြာမှာတော့ ကျနော် တက္ကသိုလ်ကျောင်းသား ဖြစ်လာခဲ့ပါတယ်။ ဒါပေမဲ့ ကျနော်ဟာ အဆင်အခြင် ကင်းမဲ့စွာ နဲ့ Stanford တက္ကသိုလ်နီးပါး စားရိတ်ကြီးတဲ့ တက္ကသိုလ်ကို ရွေးခဲ့ပါတယ်။ ကျနော့်ရဲ့ တတ္ကသိုလ်ပညာရေး အတွက် အခြေခံလူတန်းစား မိဘများရဲ့ စုငွေတွေအားလုံးကို ကျနော်သုံးမိရက်သား ဖြစ်သွားပါတယ်။ နောက်ခြောက်လ အကြာမှာတော့ ဒီပညာရေးဟာ တကယ်ပေးရတာနဲ့ တန်တယ်လို့ ကျနော် မထင်တော့ပါဘူး။ အဲဒီအချိန်က ကျနော့်မှာ ဘဝရည် မှန်းချက်ဆိုတာ မရှိခဲ့ပါဘူး။ တတ္ကသိုလ်ပညာရေးကနေပြီး ကျနော့်ရဲ့ ဘဝရည်မှန်းချက်ကို ဘယ်လိုလုပ်ပြီး အဖြေထုတ်ပေးနိုင်မယ် ဆိုတာလဲ စဉ်းစားလို့မရခဲ့ပါ။ ဒီတော့ ကျနော်ဟာ မိဘတွေရဲ့ တသက်စာစုငွေကို တက္ကသိုလ် မှာလာပြီး ဖြုံးနေတာပါပဲ။
ဒါနဲ့ကျနော်လဲ တက္ကသိုလ်ကထွက်ဖို့ ဆုံးဖြတ်ခဲ့ပါတယ်။ အချိန်ကျရင်အားလုံး အဆင်ပြေ သွားမှာပါလို့ မျက်စိစုံမှိတ်ပြီး လုပ်ခဲ့တာပါ။ အဲဒီတုန်းကတော့ ကြောက်ကြောက်နဲ့ လုပ်ခဲ့တာပါ။ ခု ပြန်စဉ်းစား ကြည့်တဲ့အခါမှာတော့ ဒီဆုံးဖြတ်ချက် ဟာ ကျနော့်ရဲ့ အကောင်းဆုံး ဆုံးဖြတ်ချက်တခုပါ။ ကျောင်းကထွက်လိုက်တာနဲ့ ချက်ချင်းပဲ မတက်ချင်ဘဲ တက်နေရတဲ့ အတန်းတွေကို တက်စရာမလိုတော့တာကြောင့် တက်ချင်စရာကောင်းတဲ့ အတန်းတွေထဲမှာ ဝင်ထိုင် ကျောင်းသားလုပ် ခဲ့ပါတယ်။
ဒီဇာတ်လမ်းမှာ ကဗျာမဆန်တာ တွေလဲပါပါတယ်။ ကျနော့်မှာ နေစရာအခန်း မရှိတော့ပါဘူး။ ဒီတော့ ကျနော့် သူငယ် ချင်းတွေရဲ့ အခန်း ကြမ်းပြင်ပေါ်မှာ အိပ်ခဲ့ရပါတယ်။ Coke ပုလင်းတွေကို လိုက်စုပြီး ပြန်အပ်လို့ရတဲ့ တပုလင်း ၅ဆင့်
ဆိုတဲ့ ပိုက်ဆံနဲ့ ဗိုက်ဖြည့်ရပါတယ်။ တနင်္ဂနွေနေ့ညတိုင်း ခုနှစ်မိုင်လမ်းလျှောက်ပြီး Hare Krishna ဟိန္ဒူ ဘုရားကျောင်း မှာ ထမင်းတနပ် အဝသွားစားရပါတယ်။ စားလို့ အင်မတန်ကောင်းပါတယ်။ စူးစမ်းလိုစိတ်နောက်လိုက်ရင်း၊ စိတ်ထဲမှာ ပေါ်လာတာတွေကို လိုက်လုပ်ရင်း ကြုံကြိုက်ခဲ့တာ အတော်များများဟာ နောက်ပိုင်းမှာ အဖိုးမဖြတ်နိုင်တဲ့ အတွေ့အ ကြုံတွေ ဖြစ်လာခဲ့ပါတယ်။ ဥပမာလေးတခု ပေးပါရစေ။
အဲဒီအချိန်က Reed College မှာ ရှိတဲ့ စာလုံးအလှရေးနည်းသင်တန်းဟာ တနိုင်ငံလုံးမှာ အကောင်းဆုံးသင်တန်းပါ။ တက္ကသိုလ်နယ်မြေ တခုလုံးမှာ ရှိသမျှ ပိုစတာတွေ၊ စာတန်းတွေ၊ နာမည်တွေဟာ အင်မတန်လှပတဲ့ လက်ရေးစာလုံး တွေနဲ့ ချယ်သထားပါတယ်။ ကျောင်းက ထွက်လိုက်ပြီဆိုတော့ ပုံမှန်သင်တန်းတွေ တက်စရာ မလိုတော့တဲ့ ကျနော်ဟာ စာလုံးအလှရေးနည်းသင်တန်းကို ဝင်တက်ပြီး အတတ်သင်ခဲ့ပါတယ်။ စာလုံးပုံစံတွေထဲမှာ Serif စာလုံးပုံ၊ San Serif စာလုံးပုံတွေအကြောင်းကို သင်ယူခဲ့ပါတယ်။ စာလုံးတလုံးနဲ့ တလုံးကြားမှာ ဘယ်လို အနီးအဝေးခြားတယ်ဆိုတာ လေ့ လာခဲ့ပါတယ်။ စာလုံးရေးနည်းပညာရဲ့ နက်ရှိုင်းမှုကို တွေ့ရှိခဲ့ပါတယ်။ ဒီပညာရပ်ဟာ အင်မတန်လှပတဲ့၊ သမိုင်းဝင်တဲ့၊ အနုပညာမြောက်ပြီး၊ သိပ္ပံနည်းနဲ့ စူးစမ်းလို့မရတဲ့ ပညာပါ။ ဒီပညာရပ်က ကျနော့်ကို ညှို့ယူဖမ်းစား ခဲ့ပါတယ်။
ဒါတွေကို ကျနော့်ဘဝမှာ ဘယ်လိုလက်တွေ့အသုံးဝင်မလဲ ဆိုတာကိုတော့ မျှော်လင့် မထားခဲ့ပါဘူး။ ဒါပေမဲ့ နောင် ၁၀ နှစ် အကြာမှာ ပထမဆုံး Macintosh ကွန်ပျုတာကို ဒီဇိုင်းဆွဲတဲ့ အခါမှာတော့ ဒီပညာရပ်ကို ပြန်လည်ပြီး သတိရလာခဲ့ ပါတယ်။ ဒီပညာရပ်ကို အစွမ်းကုန်သုံးပြီး Mac ကို ဒီဇိုင်းလုပ်ခဲ့တာပါ။ Mac ဟာ ကမ္ဘာ့ပထမဦးဆုံး စာလုံးအလှတွေသုံး တဲ့ PC ကွန်ပျုတာပါ။ တက္ကသိုလ်က ဒီသင်တန်းကိုသာ ကျနော်မတက်ခဲ့ရင် Macintosh ကွန်ပျုတာမှာ အင်မတန်သေ သပ်ပြီး အစိပ်အကျဲအချိုးကျ လှပတဲ့စာလုံးတွေ ထည့်ပေးနိုင်ခဲ့မှာ မဟုတ်ပါဘူး။ ပြီးတော့ Windows ဆိုတာကလဲ Mac က စာလုံးတွေကိုပဲ ကူးချထားတာဆိုတော့ PC တွေပေါ်မှာ စာလုံးအလှ ပေါ်ထွက်ခဲ့မှာ မဟုတ်ဘူးလို့တောင် ပြော ကောင်းပြောနိုင်ပါလိမ့်မယ်။ ကျနော် ကျောင်းမထွက်ခဲ့ရင် စာလုံးအလှသင်တန်းကို တက်ခဲ့မှာမဟုတ်ပါ။ ဒီသင်တန်း
ကို ကျနော်မတက်ခဲ့ရင် PC တွေပေါ်မှာ စာလုံးလှလှ လေးတွေ ရှိကောင်းမှရှိမှာပါ။ မှန်ပါတယ်။
ကျနော်တက္ကသိုလ် တက်နေစဉ်အခါကတော့ အနာဂါတ်ကို ကြိုမြင်ပြီး ဒီအကျိုးအကြောင်းတွေကို ဆက်စပ်ပုံဖော်ကြည့်ဖို့ဆိုတာ ဘယ်ဖြစ် နိုင်ပါ့မလဲ။ နောင် ၁၀ နှစ်ကြာအပြီး အတိတ်ကို ပြန်ကြည့်တဲ့အခါမှာတော့ ဒီဆက်စပ်မှုတွေကို ရှင်းရှင်းကြီး တွေ့နေရပါ တယ်။
ထပ်ပြောရမယ်ဆိုရင်တော့ ရှေ့အနာဂါတ်မှာ ဘာတွေဘယ်လို ဆက်စပ်ပုံပေါ်လာမယ် ဆို တာကို ကျနော်တို့ မမြင်နိုင် ပါ။ နောက်ပြန်ကြည့်မှသာ ဆက်စပ်မှုတွေကို တွေ့နိုင်တာပါ။ ဒါကြောင့်မို့ ဘွဲ့ရမောင်မယ်တို့တွေဟာလဲ အနာဂါတ်မှာ ဖြစ်ရပ်တွေဆက်စပ်ပြီး ပုံပေါ်လာလိမ့်မယ်လို့ ယုံကြည်ထားရပါလိမ့်မယ်။ ဘွဲ့ရမောင်မယ်တို့တတွေဟာ မိမိရဲ့ ရင်တွင်း ခံစားချက်ကို ယုံကြည်မှုရှိပါ။ ကံစီမံတယ်ဆိုတာ ယုံပါ။ ကံ၏အကျိုးဆိုတာ ယုံပါ။ တခုခုကိုတော့ယုံပါ။ ဒီယုံကြည်ချက် ကြောင့် ကျနော် ဂျောက်ကျခဲ့ရတယ်ဆိုတာ ဘယ်တော့မှမရှိခဲ့ပါ။ ကျနော့်ဘဝကို အကြီးအကျယ် ပြောင်းလဲစေခဲ့တာ ဒီယုံကြည်ချက်ကြောင့် ပါပဲ။
ကျနော့်ရဲ့ ဒုတိယ ဇာတ်လမ်းကတော့ အချစ်နဲ့ အရှုံး အကြောင်းပါ။
ကျနော် ကံကောင်းခဲ့ပါတယ်။ ကျနော်တကယ် စွဲစွဲလမ်းလမ်း ချစ်ခင်မိတဲ့ အလုပ်ဟာ ဘာလဲ ဆိုတာ အသက်ငယ်ငယ် မှာ ရှာဖွေတွေ့ရှိခဲ့တာပါ။ ကျနော့် မိဘတွေရဲ့ ကားဂိုဒေါင် ထဲမှာ Apple ကို Woz နဲ့အတူ စတင်တည်ထောင်စဉ်က ကျနော် အသက် ၂၀ ပဲ ရှိပါသေးတယ်။ ကျနော်တို့ ၂ ယောက် တကယ်အလုပ်ကြိုးစား ခဲ့ကြတာပါ။ Apple ဟာ ၁၀နှစ် အတွင်းမှာ ကားဂိုဒေါင် ထဲက ကျနော်တို့ ၂ ယောက်ကနေပြီး ဒေါ်လာ သန်း ၂ ထောင်တန် ဝန်ထမ်း ၄ ထောင်ရှိတဲ့ ကုမ္ပဏီကြီး ဖြစ်သွားခဲ့ပါတယ်။ ကျနော်တို့ရဲ့ အကောင်းဆုံး တီထွင်မှုဖြစ်တဲ့ Macintosh ကို ဈေးကွက်တင်ပြီး တနှစ် လောက် ကျနော်လဲ အသက် ၃၀ ပြည့်ပြီးခါစလေးပါ။ အဲဒီမှာ ကျနော်အလုပ်က အထုတ်ခံရပါတယ်။
ကိုယ်တိုင်တည် ထောင်ခဲ့တဲ့ ကုမ္ပဏီကနေ ဘယ်လိုလုပ်ပြီး အထုတ်ခံရနိုင်ပါ့မလဲ။ အဲ ဇာတ်လမ်းက တော့ဒီလိုပါ။
Apple ကုမ္ပဏီကြီးပွါးလာတဲ့အချိန်မှာ ကျနော်က အင်မတန်တော်တယ်လို့ ထင်ခဲ့တဲ့ လူတယောက်ကို ကျနော်နဲ့အတူ ကုမ္ပဏီမှာ စီမံခန့်ခွဲဖို့ အလုပ်ခန့်ခဲ့ကြပါတယ်။ ပထမတနှစ်လောက်ကတော့ အတော်လေးအဆင်ပြေပါတယ်။ ဒါပေမဲ့ တဖြေးဖြေးနဲ့ အနာဂါတ် အလားအလာတွေကို အမြင်မတူတာတွေ ပေါ်လာခဲ့ပါတယ်။ နောက်ဆုံးမှာတော့ အကြီးအ ကျယ် ကတောက်ကဆ ဖြစ်တဲ့အထိပါပဲ။ ဒီကတောက်ကဆ ဖြစ်တဲ့ အခါမှာ ဒါရိုက်တာအဖွဲ့က သူ့ဖက်က ရပ်ခဲ့ပါတယ်။ ဒါနဲ့ အသက် ၃၀ မှာ အလုပ်လက်မဲ့ ဖြစ်သွားပါတယ်။ တကဲ့ကို ဟိုးလေးတကျော်ဖြစ်ပြီး အလုပ်ထုတ်ခံရတာပါ။ ကျနော့် ရဲ့ ဘဝ တခုလုံးကိုပုံပြီး စိုက်လိုက်မတ်တပ်လုပ်ခဲ့တဲ့ အရာကြီးကို ဆုံးရှုံးခဲ့တာပါ။ ဒါဟာ ကျနော့်အတွက် အင်မတန် တုန် လှုပ်စရာ၊ ကြေကွဲစရာ ဖြစ်ခဲ့ပါတယ်။
လပေါင်းအတော်ကြာ တကဲ့ကို ဘာလုပ်လို့ လုပ်ရမှန်းမသိအောင် ဖြစ်ခဲ့တာပါ။ တီထွင်သူ လုပ်ငန်းရှင် မျိုးဆက်ဟောင်း ကြီးများအပေါ်မှာ ကျနော် တာဝန်မကျေဘူးလို့လဲ ခံစားခဲ့ရပါတယ်။ သူတို့က လက်ဆင့်ကမ်းပေးခဲ့တဲ့ တာဝန်ကို ပေါ့ လျော့မိတဲ့၊ လက်ဆင့်ကမ်းပြေးပွဲမှာ တုတ်တိုင် ပြုတ်ကျခဲ့တဲ့သူလို ခံစားရတာပါ။ ကျနော် David Packard နဲ့ Bob Noyce တို့ကို သွားတွေ့ခဲ့ပါတယ်။ ပြီးတော့ ကျနော့်ကြောင့် ပြဿနာအကြီးအကျယ် ဖြစ်ခဲ့တာကို ကြိုးစားပြီး တောင်းပန် ခဲ့ပါတယ်။
ကျနော့်ကျဆုံးခန်းဟာ ဟိုးလေးတကျော် ဖြစ်ခဲ့တာပါ။ Silicon Valley ကနေပြီး အရှုံးပေး ထွက်ပြေးသွားဖို့ အထိတောင် ကျနော်စဉ်းစားခဲ့ပါတယ်။ ဒါပေမဲ့ အချက်တချက်ကို ကျနော် တဖြေးဖြေးနဲ့ သတိပြုမိလာပါတယ်။ အဲဒါက တော့ ကျနော်လုပ်ခဲ့တဲ့အလုပ်ကို ကျနော် ချစ်ခင်ဆဲ၊ စွဲလမ်းဆဲ ဆိုတာပါဘဲ။ Apple မှာ ဖြစ်ခဲ့တဲ့ ကမောက်ကမ ဖြစ်ရပ် တွေဟာ ကျနော့်ရဲ့ အလုပ်အပေါ် စွဲလမ်းမှု အပေါ်မှာ အရာမထင်ခဲ့ပါဘူး။ ကျနော့်ကို ကန်ထုတ်တာခံရပေမဲ့ ကျနော်က တော့ ချစ်ခင်စွဲလမ်းလျှက်ပါ။ ဒါကြောင့်လဲ ကျနော် တစ်ကနေ ပြန်စဖို့ ဆုံးဖြတ်ခဲ့ပါတယ်။
Apple ကနေပြီး အလုပ်ဖြုတ်ခံရတာဟာ ကျနော့်ဘဝတလျှောက်လုံး ဖြစ်နိုင်ခဲ့သမျှထဲမှာ အကောင်းဆုံးအဖြစ်ပါ။ အဲဒီ အချိန်ကတော့ ဒီလိုမတွေးခဲ့မိပါဘူး။ အောင်မြင်မှုဆိုတဲ့ ဝန်ထုပ် ဝန်ပိုးကြီးကို ပေါ့ပေါ့ပါးပါး လူသစ်တခါ ပြန်ဖြစ်ရတယ် ဆိုတာနဲ့ လဲလိုက်ရတာပါ။ အရာရာတိုင်းမှာ မသေချာ မှုတွေချည်းပါဘဲ။ ဒီဖြစ်ရပ်ကပဲ ကျနော့်ကို အနှောင်အဖွဲ့တွေက
ကင်းလွတ်ခွင့်ပေးပြီး ကျနော့်ဘဝရဲ့ ဖန်တီးမှုအား အကောင်းဆုံးကာလကို စတင်စေခဲ့ပါတယ်။
နောက် ၅ နှစ် အတွင်းမှာတော့ NeXT ဆိုတဲ့ ကုမ္ပဏီကို ကျနော် တည်ထောင်ပါတယ်။ Pixar ဆိုတဲ့ ကုမ္ပဏီကို ကျနော် တည်ထောင်ပါတယ်။ ပြီးတော့ အင်မတန် ပြည့်ဝတဲ့ အမျိုးသမီးတယောက်နဲ့ မေတ္တာမျှပြီး ကျနော်အိမ်ထောင်ပြု ခဲ့ပါ တယ်။ Pixar ကတော့ ကမ္ဘာ့ပထမဆုံး ကွန်ပျုတာ ကာတွန်းကားကို ဖန်တီးထုတ်လုပ်ခဲ့တာပါ။ ခုချိန်မှာတော့ Pixar ဟာ ကမ္ဘာ့ အအောင်မြင်ဆုံးကာတွန်းရုပ်ရှင် စတူဒီယို ဖြစ်နေပါပြီ။ ပြောစမှတ်ပြုစရာ အလှည့် အပြောင်းမှာ Apple က ကျနော့်ရဲ့ NeXT ကုမ္ပဏီကို ဝယ်ပါတယ်။ ကျနော် Apple ကို ပြန်ရောက်သွားပါတယ်။ NeXT မှာ ကျနော်တို့ စတင်ခဲ့တဲ့ နည်းပညာဟာ Apple ပြန်လည် ဆန်းသစ်ခြင်းရဲ့ ဗဟိုချက်မှာ ရှိပါတယ်။ Laurene နဲ့ ကျနော်တို့ကတော့ အင်မတန် ပျော်စရာကောင်းတဲ့ မိသားစုလေးတခု ဖြစ်လာပါတယ်။
ကျနော်သာ Apple က အလုပ်ထုတ်မခံခဲ့ရရင် ဒါတွေတခုမှ ဖြစ်လာမှာ မဟုတ်တာ အတော်သေချာပါတယ်။ အလုပ် ထုတ်ခံရခြင်းဟာ အင်မတန်အဝင်ဆိုးတဲ့ ဆေးခါးကြီးပါ။ ဒါပေမဲ့ လူနာကိုကြည့်ရတာလဲ ဒီလိုဆေးမျိုး လိုနေပုံ ပါဘဲ။ တခါတလေ တော့လဲ ဘဝမှာ ခေါင်းကိုအုတ်ခဲနဲ့ထုသလို ခံရတာမျိုး ရှိပါတယ်။ မိမိယုံကြည်ရာကို မစွန့်လွှတ်ပါနဲ့။ ကျနော့်ရဲ့ ဘဝ တလျှောတ်လုံးမှာ အရာရာကို ဖြတ်ကျော်ဖို့ ခွန်အားပေး နေခဲ့တာဟာ ကျနော့်အလုပ်ကို ကျနော် ချစ်ခင် စွဲလမ်းမှုပဲလို့ ကျနော်ယုံကြည် ပါတယ်။ ဘွဲ့ရမောင်မယ် တို့လဲ ကိုယ့်ရဲ့ အချစ်စစ်အချစ်မှန်ကို တွေ့အောင်ရှာပါ။ ဒီအ ဆိုဟာ မောင်မယ် တို့ရဲ့ ချစ်သူရည်းစားရှာဖို့နဲ့ဆိုင်သလို အလုပ်ရှာဖို့နဲ့လဲ သက်ဆိုင်ပါတယ်။
ခုချိန်ထိမတွေ့သေးဘူးဆိုရင်လဲ တွေ့တဲ့အထိ ဆက်ရှာပါ။ ရရာနဲ့မကျေနပ်ကြပါနဲ့။ နှလုံးသားရေးရာကိစ္စဆိုတော့ တွေ့ပြီ လား၊ မတွေ့သေးဘူးလား ဆိုတာကို ကိုယ့်ဟာကိုယ် သိလာပါလိမ့်မယ်။ ပြီးတော့ ဘဝအဖော်မွန်တွေရဲ့ သဘာဝအတိုင်း နှစ်ကြာလေပိုပြီး ခိုင်မြဲလာလေလေ ဖြစ်လာပါလိမ့်မယ်။ ဒါကြောင့် မောင်မယ်တို့ အချစ်စစ်အချစ်မှန်ကို တွေ့အောင်ရှာ ကြပါ။ ရရာလေးနဲ့ မရောင့်ရဲလိုက်ကြပါနဲ့။
ကျနော့်ရဲ့ တတိယ ဇာတ်လမ်းကတော့ သေခြင်းတရား အကြောင်းပါ။
ကျနော်အသက် ၁၇ နှစ်မှာ ကောက်နှုတ်ချက် စာသားတခု ဖတ်ခဲ့ရပါတယ်။ မှတ်မိသလောက်ဆိုရင်တော့ “နေ့တိုင်းကို သင့်ဘဝရဲ့ နောက်ဆုံးနေ့အဖြစ် နေထိုင်ခဲ့ရင် တနေ့မှာတော့ အဲဒီအတိုင်းဖြစ်လာဖို့ သေချာပါတယ်” တဲ့။ ဒီစာသားက
ကျနော့်စိတ်မှာထင်ဟပ် သွားခဲ့ပါတယ်။ အဲဒီကစပြီး နောက် ၃၃ နှစ်လုံး မနက်အိပ်ရာထမှာ မှန်ကိုကြည့်ပြီး ကိုယ့်ကို ကိုယ် မေးခဲ့ပါတယ်။ “ဒီနေ့သာ ငါ့ဘဝရဲ့ နောက်ဆုံးနေ့ဆိုရင် ဒီနေ့ လုပ်မဲ့အလုပ်တွေကို ငါ လုပ်ချင်ပါ့မလား” မေးခွန်းရဲ့ အဖြေဟာ ရက်ပေါင်းများစွာ ဆက်တိုက် “မလုပ်ချင်ဘူး” ဖြစ်နေပြီဆိုရင်တော့ အပြောင်းအလဲ တခုခုလုပ်ဖို့ လိုနေပြီလို့ ကျနော် သိလိုက်ပါတယ်။
ဘဝအတွက် အလွန်အရေးပါတဲ့ ဆုံးဖြတ်ချက်တွေကိုချရာမှာ အရေးကြီးဆုံး အထောက်အပံ့ကိရိယာအဖြစ် ကျနော်တွေ့ ရှိခဲ့တာကတော့ သေခြင်းတရားဟာ လက်တကမ်းမှာပဲ ရှိတယ်လို့ သတိချပ်ခြင်းပါ။
ဘာလို့လဲဆိုတော့ အရေးမပါတဲ့ မျှော်မှန်းချက်တွေ၊ ဂုဏ်မာနတွေ၊ အရှက်ကွဲမှာ ဒါမှမဟုတ် ရှုံးနိမ့်မှာကို ကြောက်တဲ့စိတ်တွေ ဒါတွေ အားလုံးနီးပါးဟာ သေခြင်းတရား ဆိုတာနဲ့ ရင်ဆိုင်တွေ့လိုက်ရင် အလိုလို ပျောက်ကွယ်သွားပြီး တကယ့်ကို အရေးကြီးတဲ့အရာတွေသာ ကျန်ရစ်ခဲ့ပါတယ်။
မင်းမှာလက်လွှတ် ဆုံးရှုံးစရာ ပိုင်ဆိုင်မှုတွေရှိတယ်ဆိုတဲ့ အတွေးထောင်ချောက်ကို ရှောင်လွှဲဖို့ နည်း လမ်းတွေထဲမှာ ကျနော်သိတဲ့ အကောင်းဆုံး နည်းကတော့ မင်းဟာသေရတော့မှာဘဲလို့ သတိချပ်ခြင်းပါ။ မင်းဟာ ဗ လာထီးထီး ကိုယ်ချည်းဖြစ်သွားပါပြီ။ အဲဒီတော့ ကိုယ့်နှလုံးသားရဲ့ ခေါ်ရာနောက်ကို မလိုက်ဘဲနေဖို့ရာ အကြောင်းမရှိ တော့ပါ။
လွန်ခဲ့တဲ့ တနှစ်လောက်က ကျနော့်မှာ ကင်ဆာရောဂါရှိတယ်လို့ တွေ့ရှိခဲ့ပါတယ်။ မနက် ၇နာရီ ခွဲမှာ ဆေးဓာတ်မှန်ရိုက် ပါတယ်။ ကျနော့်ရဲ့ သရက်ရွက် (Pancreas) မှာ အကြိတ်ရှိတာ ဓာတ်မှန်မှာ ထင်းထင်းကြီး ပေါ်နေပါတယ်။ သရက်ရွက်
ဆိုတာဘာလဲဆိုတာတောင်မှ ကျနော်မသိခဲ့ပါ။ ဒီလို ကင်ဆာမျိုးဟာ ကုစရာဆေးမရှိတဲ့ ကင်ဆာမျိုးဖြစ်ဖို့ အတော်သေ ချာတယ်လို့ ကျနော့်ကို ဆရာဝန်ကြီးတွေက ပြောခဲ့ပါတယ်။ ပြီးတော့ နောက် ၃လ ကနေ ၆လ အထိဘဲနေရဖို့ မျှော် လင့်ထားပါလို့ ပြောပါတယ်။ ဒါဟာဘာအဓိပ္ပါယ်လဲဆိုတော့ ကျနော့်ရဲ့ ကလေးတွေကို နောင် ၁၀ နှစ် အတွင်းမှာ ပြောပြ ဖို့ စဉ်းစားထားသမျှကို နောင်လ အနည်းငယ်အတွင်းမှာ အကုန်အစင်ပြောဖို့ ကြိုးစားပါ ဆိုတဲ့ အဓိပ္ပါယ် ပါပဲ။ ကျန်ရစ် သူမိသားစု ဒုက္ခမများရလေအောင် ရှိသမျှ ကိစ္စတွေအားလုံးကို လက်စသိမ်းပါဆိုတဲ့ အဓိပ္ပါယ်ပါ။ သွားတော့မယ်လို့ နှုတ်ဆက်တော့ဆိုတဲ့ အဓိပ္ပါယ်ပါ။
တနေ့လုံး ဒီကင်ဆာ အကြောင်းကဘဲ ကျနော့်ကို လွှမ်းမိုးထားခဲ့ပါတယ်။ အဲဒီနေ့ ညနေမှာတော့ အသားစထုတ်ပြီး ဆေး စစ်ခံခဲ့ရပါတယ်။ ခန္ဓာကိုယ် အတွင်းပိုင်းကြည့် ကရိယာကို ကျနော့်လည်ချောင်း ထဲကတဆင့် အစာအိမ်ကိုဖြတ်ပြီး အူ သိမ်ထဲကိုရောက်အောင် ထည့်ပါတယ်။ ပြီးတော့မှ ကျနော့်ရဲ့ သရက်ရွက်ကို အပ်နဲ့စိုက်ပြီး အသားစ အနည်းငယ်ကို ထုတ်ယူပါတယ်။ အဲဒီအချိန်မှာ ကျနော်က မေ့ဆေးနဲ့ မျောနေခဲ့ပါတယ်။ ဒါပေမဲ့ အတူရှိနေတဲ့ ဇနီးက ပြန်ပြောခဲ့တာက ဒီအသားစကို အဏုကြည့် မှန်ဘီလူးအောက်မှာ ကြည့်ခဲ့တဲ့ ဆရာဝန်ကြီးတွေ “ဟေးကနဲ…” ထပြီးအော်ခဲ့ကြပါတယ်။
ဘာလို့လဲဆိုတော့ ကျနော့်ရဲ့ကင်ဆာဟာ အင်မတန်မှ ရှားပါးတဲ့ ခွဲစိတ်ပြီးကုသလို့ရတဲ့ သရက်ရွက်ကင်ဆာမျိုး ဖြစ်နေ လို့ပါ။ ကျနော် ခွဲစိတ်ကုသခံခဲ့ရပါတယ်။ ကျနော် အခုနေကောင်းပါပြီ။
ဒါဟာ ကျနော့်အဖို့ သေခြင်းတရားနဲ့အနီးကပ်ဆုံးရင်ဆိုင်ဖြစ်ခဲ့ခြင်းပါဘဲ။ နောင် ၁၀ နှစ်၊ အနှစ် ၂၀ အတွင်းမှာလဲ ဒီထက် ပိုပြီးနီးနီးစပ်စပ် မတွေ့ကြုံရတော့ဘူးလို့ မျှော်လင့်ပါတယ်။ ဒီဖြစ်ရပ်ကို ကိုယ်တွေ့ကြုံရတဲ့ အတွက်ကြောင့် ဘွဲ့ရမောင် မယ်တို့ကို သေခြင်း တရားအကြောင်း ပြောပြရာမှာ သုံးဖြစ်ရုံ ဥာဏ်သိအဓိပ္ပါယ်ဖွင့်ဆိုချက်ထက် နဲနဲပိုပြီး သေသေချာ ချာ ကျနော် ပြောနိုင်ပါပြီ။
*ဘယ်သူမှမသေချင်ပါဘူး။ ကောင်းကင်ဘုံကို သွားချင်တဲ့သူများတောင်မှ အဲဒီကိုရောက်ဖို့ မသေချင်ကြပါဘူး။ သို့သော် လည်း လူတိုင်းဟာ တနေ့တော့ သေကြရမှာပါ။*
ခုထက်ထိ သေခြင်းတရားကို လွန်ဆန်နိုင်တဲ့သူ ဆိုတာ မရှိသေးပါ။
ဒါဟာလဲ ဖြစ်သင့်လို့ပါ။ ဘဝတရားရဲ့ တခုတည်းသော အကောင်းဆုံးဖန်တီးမှုဟာ မရဏတရား ဖြစ်စရာအကြောင်း ရှိပါ တယ်။ မရဏတရားဟာ ဘဝဖြစ်တည်ခြင်းတရားရဲ့ အပြောင်းအလဲဖြစ်အောင် ဖော်ဆောင် ပေးတဲ့အရာပါ။ မရဏတရား က ဟောင်းဆွေးအိုမင်းမှုတွေကို ဖယ်ရှားပြီး နုပျိုသစ်လွင်မှုတွေနဲ့ အစားထိုးပေးနေပါတယ်။ ဒီနေ့ဒီအချိန်အခါမှတော့ ဘွဲ့ရမောင်မယ်တို့ဟာ နုပျိုသစ်လွင်မှုတွေနဲ့ အပြည့်ပါ။ သို့သော်မကြာတော့တဲ့ အခါမှာ မောင်မယ်တို့လဲ အိုမင်းရင့်ရော် လာမှာပါ။ ပြီးတော့အဖယ်ရှားခံကြရမှာပါ။ စိတ်ထိခိုက်အောင်ပြောမိတာကို ကျနော် တောင်းပန်ပါတယ်။ သို့သော်လဲ ဒါက အမှန်တရားပါ။
ဘွဲ့ရမောင်မယ်တို့မှာ အချိန်တွေအများကြီးမရှိတော့ပါဘူး။ ဒီတော့တခြားသူတွေ နေသလိုဘဲနေပြီး အချိန်ကိုမဖြုန်းပါနဲ့။ သူများတွေရဲ့ အတွေးအထင်ထဲကအတိုင်း နေရတဲ့ဘဝကို တရားသေဆုပ်ကိုင်ထားပြီး ချောင်ပိတ်မမိပါစေနဲ့။ မိမိရဲ့အ တွင်းစိတ်က နှိုးဆော်သံကို သူတပါးတွေရဲ့ထင်မြင်ချက် အနှောင့်အယှက်သံတွေက ဖုံးလွှမ်းမသွားပါစေနဲ့။
*ဒီထက်ပိုပြီးအရေးကြီးဆုံးအချက်ကတော့ ကိုယ့်ရဲ့ နှလုံးသားနဲ့ ရင်တွင်းသိစိတ်တို့က ခေါ်ဆောင်ရာကိုလိုက်ပါ။* သူတို့ က မောင်မယ်တို့ အမှန်တကယ် ဘာဖြစ်ချင်တယ်ဆိုတာကို သိနေကြပြီးသားပါ။ ကျန်တဲ့အရာတွေအားလုံးက သာမည အချက်တွေပါ။
ကျနော်ငယ်စဉ်အခါက “The Whole Earth Catalog” ဆိုတဲ့ အင်မတန် ပြောင်မြောက်တဲ့ ကတ်တလောက်စာအုပ် တခု ရှိခဲ့ဘူးပါတယ်။ ဒီစာအုပ်ဟာအဲဒီတုန်းက ကျနော်တို့တွေအတွက်တော့ ကိုးကွယ်စရာကျမ်းစာတွေထဲက တအုပ်ပေါ့။
အဲဒီစာအုပ်ရဲ့ ဖန်တီးရှင်ကတော့ ဒီ Stanford တက္ကသိုလ် နဲ့ သိပ်မဝေးတဲ့ Menlo Park မှာနေတဲ့ Stewart Brand ဆို သူပါ။ ဒီစာအုပ်ကို သူက ကဗျာဆန်ဆန်အလှတွေနဲ့ ချယ်မှုန်းပြီးထုတ်ဝေခဲ့တာပါ။ ဒီစာအုပ်ကို ထုတ်ဝေချိန်က ၁၉၆၀ ခုနှောင်းပိုင်းကာလ ကွန်ပျူတာနဲ့ ကွန်ပျူတာစာစီလုပ်ငန်းတွေ မပေါ်ခင်ကပါ။ အဲဒီတော့ စာအုပ်တအုပ်လုံးက လက်နှိပ် စက်ရိုက်၊ ကပ်ကြေး နဲ့ကိုက်၊ Polaroid ကင်မရာနဲ့ ဓာတ်ပုံတွေရိုက်ပြီး စာအုပ်ကို ဖန်တီးရတာပါ။ Google ကို စာအုပ် အဖြစ် ဖတ်ရသလိုပါပဲ။ ဒ်ီစာအုပ်ဟာ Google မတိုင်ခင် ၃၅ နှစ်က ပေါ်ခဲ့တာပါ ။ တကယ့်ကို စံနမူနာယူစရာ စာအုပ်ပါ။ စာအုပ်တခုလုံးလဲ သပ်ရပ်လှပတဲ့ ကရိယာတွေနဲ့ အကြံကောင်းတွေနဲ့ ပြည့်နေပါတယ်။
Stewart နဲ့သူ့အဖွဲ့သားတွေဟာ “The Whole Earth Catalog” စာအုပ် တော် တော်များများကို ထုတ်ဝေခဲ့ပါတယ်။ ထုတ်ဝေခြင်းကနေ ရပ်ဆိုင်းရတဲ့အခါမှာတော့ သူတို့တတွေ နောက်ဆုံးနှုတ်ဆက် ခြင်းစာအုပ်ကို ထုတ်ကြပါတယ်။ အဲဒီအချိန်မှာ ကျနော်က ခုဘွဲ့ရမောင်မယ်တို့ရဲ့ အရွယ်၊ ၁၉၇၀ နှစ်လယ်ကာလများပါ။ နှုတ်ဆက်စာအုပ်ရဲ့ ကျောဖုံးပုံက မနက်စောစော တောဘက်ကကားလမ်းလေးတခုရဲ့ ဓာက်ပုံပါ။ စွန့်စားခန်း အင်မတန် ကြိုက်သူများ ကားကြုံစီးခရီးထွက်ရာမှာ တွေ့ကောင်းတွေ့ဖူးကြမဲ့ ကားလမ်းလေးမျိုးပါ။ အောက်မှာစာတန်းလေးရေး ထားပါတယ်။ “ဆာလောင်မွတ်သိပ်ပါ။ အရူးထပါ။” တဲ့။
ဒါသူတို့ရဲ့ နောက်ဆုံးစာအုပ်မှာ နောက်ဆုံးနှုတ်ဆက်တဲ့စကားပါ။ ကျနော် ကိုယ်တိုင်လဲ ဒီဆုကိုပဲ အမြဲတမ်းတောင်းခဲ့ ပါတယ်။ ခုဘွဲ့ရမောင်မယ် တို့ဘဝအသစ် စကြရတော့မယ်ဆိုတော့ မောင်မယ်တို့ကိုလဲ ဒီဆုကိုပဲ တောင်းပေးပါ့မယ်။
“ဆာလောင်မွတ်သိပ်ပါ… အရူးထပါ…”
အားလုံးကိုကျေးဇူးတင်ပါတယ်။


နေ့သစ်မှ …

http://news.stanford.edu/news/2005/june15/jobs-061505.html

အင်တာနက်တစ်နေရာက ရှာဖွေတွေ့ရှိလို့ ပြန်ရှယ်တာပါ။ မူလဘာသာပြန် စာရေးဆရာကို ခရက်ဒစ်ပေးပါတယ်။
စိတ်ဓာတ်ခွန်အား အများကြီး တိုးတက်စေတဲ့ မိန့်ခွန်းပါ။ ဝမ်းနည်းခြင်း အထိမ်းအမှတ်နဲ့ တင်ပေးလိုက်ပါတယ်။

ဟိုးအဝေး

အောက်တိုဘာ ၆ ၂၀၁၁

Wednesday, October 5, 2011

ယူအက်စအေရောက် အန်တီကြီး နှင့် အင်တာဗျူး

ယူအက်စအေရောက် အန်တီကြီး နှင့် အင်တာဗျူး

မောင်ထက်ခိုင် ကြုံဖူးသလို ယူအက်စအေရောက် အန်တီကြီးများနဲ့ ကြုံဖူးကြပါသလား။ အထူးသဖြင့် ပိတ်သတ်ကြီးထဲက လူငယ်တော်တော်များများ ချက်ချင်း သဘောပေါက်သွားပါလိမ့်မယ်။ ချက်ချင်း မဟုတ်ရင်တောင် ဒီစာပိုဒ်လေး ဆုံးရင်တော့ ဪ ဟုတ်သားပဲလို့ သိသွားပါလိမ့်မယ်။ ယူအက်စအေက လူငယ်များကတော့ ရိုးဟိုးဟိုးနေလောက်ပါပြီ။ ဒီလိုပါ။

မောင်ထက်ခိုင်တို့ လူငယ်တွေ ဘုန်းကြီးကျောင်းကို အရောက်အပေါက် နည်းပါတယ်။ ပွဲလေး လမ်းလေး ရှိမှ ရောက်ကြပါတယ်။ ပွဲလမ်းရှိပြီ ဆိုတော့ လူစုံပြီပေါ့။ လာပါပြီ။ ဘယ်သူက ဘယ်သူနဲ့ တွဲလို့။ ဘယ်သူက ဘယ်သူနဲ့ ကွဲလို့။ ဘယ်သူက ဘယ်ပြောင်းသွားလို့။ ဘယ်သူက ဘယ်ကပြောင်းလာလို့။ ဘယ်သူက ဘာဝတ်လို့။ ဘယ်သူက ဘာစားလို့။ ဘယ်သူကတော့ အသစ်။ ဘယ်သူကတော့ အဟောင်း။ ဘယ်သူကတော့ တစ်ပတ်နွမ်း။ ဘယ်သူက အရွယ်ရောက်လာလို့။ ဘယ်သူက ဟိုင်းသွားလို့။ ဘယ်သူက အိမ်ထောင်ကျသွားလို့။ ဘယ်သူက ကလေးမွေးလို့။ အကြောင်းအစုံစုံကို တစေ့တစောင်းကော ပေါ်တင်ပါ ကြည့်ကြ ပြောကြတဲ့ ပွဲတော်ကြီးတွေပါပဲ။

ဒီနေရာမှာ မောင်ထက်ခိုင်ရော မကြည့်ဘူးလား။ မပြောဘူးလား။ ဟာ။ ဘယ်နေလိမ့်မလဲ။ ကြည့်သည်။ ပြောသည်ပေါ့။ ဒါပေမယ့် စိတ်ထဲကပါ။ မောင်ထက်ခိုင်တို့ လူငယ်အများစုက အတင်းကို ပေါ်တင် မပြောပါ။ နောက်ကွယ်မှ ပြောပါတယ်။ ဟဲဟဲ။

အတင်းကို ပြောဖို့ရန် အန်တီကြီးများက တာဝန်ယူထားပါတယ်။ ပေါ်တင်ရော နောက်ကွယ်ရော ရွေးမနေပါ။ ပြောစရာရရင် ရသလို ပြောပါ၏။ ဒီတော့ သူတို့ ပြောစရာ မရှိတဲ့ လူရဲ့ အကြောင်းဆိုရင်ကော။ ဒါလား။ ပျင်းတောင်ပျင်းသေး။ အန်တီကြီး ကိုယ်တိုင် အင်တာဗျူး မေးပြီး ပြောမှာပေါ့။ မေးနေကြ မေးခွန်းလေးတွေ ထုတ်လိုက်ပါဦးမယ်။

ယူအက်စအေ ရောက်တာ ကြာပြီလား။ ဒီမေးခွန်းရဲ့ အဖြေက သိပ်အရေးကြီးပါတယ်။ ဒီအဖြေပေါ် မူတည်ပြီး နောက်ဆက်တွဲ မေးခွန်းတွေ ပြောင်းသွားပါလိမ့်မယ်။
အဖြေနှစ်မျိုးရှိပါတယ်။ အန်တီကြီးထက် နောက်ကျမှ ရောက်တာရယ်။ အန်တီကြီးထက် အရင် ရောက်တာရယ်ပါ။

အန်တီကြီးထက် နောက်ကျမှ ရောက်ရင်တော့ နားထောင်ပေတော့ ကံဆိုးသူလူငယ်ရေ။ အန်တီတို့တုန်းကလေ ဇာတ်လမ်းတွဲကြီးပါ။ အန်တီတို့က ဘယ်တုန်းက ရောက်တာ။ အန်တီအမျိုးသားက ဘယ်လို။ အန်တီသားက ဘယ်လို။ အန်တီသမီးက ဘယ်လို။ အန်တီမြေးက ဘယ်လို။ အန်တီတို့က အိမ်ကြီးကြီး ဝယ်ထားတယ်လေ။ ကားက ဘယ်နှစီးပေါ့။ မဆုံးနိုင်သော အန်တီပိုင်ဆိုင်မှု လက်ချာကြီးကို နားထောင်ရပါလိမ့်မယ်။

ဒါဆိုရင် အန်တီကြီးထက် အရင် ရောက်တယ်ဗျာ။ ဘာဆက်မေးမယ် ထင်ပါသလဲ။ အမောင်လူငယ်။ ကျောင်းတက်နေတာလား။ အလုပ်ပဲ လုပ်ပါသလား။ ဒီမှာလည်း မေးခွန်းလမ်းဆုံလမ်းခွ ရောက်ပြန်ပါပြီ။ အဖြေပေါ် မူတည်ပြီး ဆက်မေးပါလိမ့်မယ်။ ဆက်လိုက်ရအောင်။

ကျောင်းတက်နေပါတယ်။ ဟာ။ ဟုတ်လား။ ဘယ်ကျောင်းမှာတက်လဲ။ ကွန်မြူနတီ ကောလိပ်လား။ ယူနီဗာစီတီလား။ အန်တီ သားနဲ့ သမီးတို့ကတော့ ကျောင်းပြီးသွားပြီ။ သို့မဟုတ်ရင် အန်တီသားနဲ့ သမီးကတော့ နာမည်ကြီး ယူနီဗာစီတီမှာ ဖူးစကောလာ နဲ့ တက်နေတယ်လေ။ သကောင့်သားလူငယ် ကိုယ့်ဟာကိုယ် ညံ့ချက်ကယ် နာတဲ့ အထိ အန်တီ သားနဲ့ သမီး တော်ကြောင်းကို ကြားနာရပါလိမ့်မယ်။

အလုပ်ပဲလုပ်ပါတယ်။ ဒါဆို ဘာအလုပ်လုပ်တာလဲ။ ဆူရှီးလား။ ဂစ်ရှော့လား။ ဓာတ်ဆီဆိုင်လား။ ဘာဂါဆိုင်လား။ မောင်ရင်အလုပ်အကိုင်က အဲဒါတွေ အားလုံးထဲက တစ်ခု ဖြစ်လို့ကတော့ သေဖို့သာ ပြင်ပေတော့။ အန်တီသားနဲ့ သမီးရဲ့ လူရည်ချွန် ဇာတ်လမ်း အပြင် ပညာရေးရဲ့ အရေးပါအရာရောက်ကြောင်း လက်ချာကိုပါ အဆစ် ကြားနာရလတံ့။

အဲလို မဟုတ်ပါဘူးခင်ဗျာ။ ယူနီဗာစီတီက ဘွဲ့ရပြီးလို့ လခကောင်းတဲ့ ရာထူးရထားပြီးပါပြီ။ ဟင်။ အန်တီကြီး လက်မလျှော့သေးပါဘူး။ အိမ်ဝယ်ပြီးပြီလား။ ဘာကားစီးလဲ။
အန်တီတို့က အိမ်ဝယ်ထားတာလေ။ ကားက ဘယ်နှစီး။ ရပါတယ်။ အန်တီကြီးအိမ်ထက် နှစ်ဆကြီးတဲ့ အိမ်လည်း ရှိပါတယ်။ ကားကလည်း အန်တီကြီး အနားမကပ်နိုင်တဲ့အကောင်းစားကား စီးပါတယ်။

အန်တီကြီး ခဏတော့ အကြံအိုက်သွားပါတယ်။ လူရည်ချွန် အနှီသကောင့်သားကို ဘာနဲ့ အနိုင်ယူရပါ့။ အန်တီကြီး နောက်ဆုံးလက်နက်ထုတ်သုံးပါပြီ။ မြန်မာပြည်မှာတုန်းက ဘယ်မှာနေလဲ။ ရန်ကုန်ကပဲလား။ ရန်ကုန်ကပါပဲ။ ဒါဆို ရန်ကုန် ဘယ်နားလဲ။ စဉ်းစား မောင်ရင်။ စဉ်းစား။ ဝင်ဒါမီယာ ရွှေတောင်ကြား မဟုတ်ရင် နောက်ထပ်လက်ချာ အရှည်ကြီးကို နောက်ဆုံးပိတ် အိတ်နဲ့လွယ်ပြီး နားထောင်လိုက်ရပါလိမ့်မယ်။ အန်တီကြီးတို့က ဝင်ဒါမီယာ ရွှေတောင်ကြားမှာ အိမ်ရှိတာလေ။ အခုတောင် ရန်ကုန်က အိမ်ကို သံရုံးက ဒေါ်လာနဲ့ ငှါးထားတယ်။ ကားတွေလည်း ဘယ်နှစီး။ လုပ်ငန်းက ဘယ်နှခု။ အန်တီကြီး မျက်နှာ ပြုံးပြုံးကြီးနဲ့ ကြွားပြပါလိမ့်မည်။

ဟိုး အန်တီကြီး။ ရွှေတောင်ကြားလောက်တော့ သနားပါ၏။ ရန်ကုန် အင်းလျားလမ်း ဦးဝိစာရလမ်းမှာ နေပါတယ်။ အိမ်ကို အသုံးမလိုလို့ သော့ပိတ်ထားပါတယ်။
ဒီနေရာမှာတင် အန်တီကြီး မျက်နှာ ဝင်းပသွားပါပြီ။ ဒီလူငယ်လေး တော်၏။ ကောင်း၏။ အမျိုးတော်ထိုက်၏။ ထမင်းစား ဖိတ်ထိုက်၏။ အိမ်ကို အဝင်အထွက်လုပ်ခိုင်းသင့်၏။ အတင်း နသားဖာယား အိမ်ကို ထမင်း စားဖိတ်ပါလေတော့မည်။

ဪ။ ကောင်းလေစွ။ ကောင်းလေစွ။ ကောင်းလေစွ။

ဤတွင် အန်တီကြီးနှင့် လူငယ်လေးတို့၏ ဘုန်းကြီးကျောင်း တွေ့ဆုံပွဲ အဆုံးသတ်လေသည်။

သာဓု သာဓု သာဓု

ဟိုးအဝေး

အောက်တိုဘာ ၅ ၂၀၁၁