သူများပြောတိုင်းယုံတတ်တဲ့ မောင်ထက်ခိုင်
မောင်ထက်ခိုင် ငယ်ငယ်တုန်းက အဖြစ်အပျက်လေးပါ။ သူများပြောတိုင်းယုံပြီး လိမ်တိုင်းကျတတ်တဲ့ မောင်ထက်ခိုင် အကြောင်းလေးပါ။ မောင်ထက်ခိုင် အထက်တန်းကျောင်းသားဘဝတုန်းက မအူမလည်နဲ့ ခံလိုက်ရပုံလေးကို ပြောပြချင်ပါတယ်။ တစ်နေ့မှာ မောင်ထက်ခိုင် အတန်းထဲက ကျောင်းသားတစ်ယောက်က ကင်မရာအပျက်တစ်လုံး ယူလာပါတယ်။ ပျက်တာကတော့ တစ်စစီ ဖြစ်နေတာပါ။ ရိုးရိုး ပျက်တာကို ကင်မရာပြင်ဆိုင် မပို့ဘဲ သူ့ဟာသူ ဖွင့်ကြည့်ပါတယ်။ ပြီးတော့ ပြန်မတပ်တတ်တော့ဘဲ ပြန်ရောင်းဖို့ ကြိုးစားပါတယ်။ ပထမတော့ သူ့သူငယ်ချင်းတွေကို အလကား ပေးပါတယ်။ တစ်စစီ ဖြစ်နေတဲ့ ကင်မရာကို ဘယ်သူကမှ အလုပ်ရှုပ်ခံပြီး မယူပါ။ အဲဒီအချိန်မှာ လူစွမ်းကောင်းကြီး မောင်ထက်ခိုင် ပေါ်လာပါတယ်။ သူ့သူငယ်ချင်းတွေထဲက တစ်ယောက်က အာရွှီးကောင်းပါတယ်။ အဲဒီကောင်လေးကပဲ မောင်ထက်ခိုင်ကို ကင်မရာအစုတ်တစ်လုံး ဝယ်ဖြစ်အောင် သွေးဆောင်ဖြားယောင်းခဲ့ပါတယ်။ ကင်မရာအစုတ်ကို မောင်ထက်ခိုင် ဘာကြောင့်ဝယ်ခဲ့ပါသလဲ။ အခုအချိန်မှာ ပြန်စဉ်းစားကြည့်တော့ မောင်ထက်ခိုင်တစ်ယောက် ငယ်ငယ်ကတည်းက သူများပြောတိုင်း ယုံတတ်ကြောင်း ထင်ရှားနေပါတယ်။ သူများက ကျလောက်အောင် ပြောရင် မစဉ်းစား မဆင်ခြင်ဘဲ မျက်စိမှိတ် ယုံလိုက်တာပါပဲ။ မောင်ထက်ခိုင်ဟာ ခံစားမှုကို ရှေ့တန်းတင်တတ်ပါတယ်။ အသိဉာဏ်သုံးပြီး စဉ်းစားရမယ့်အစား ခံစားချက်ကို လုံးလုံးကြီး တုံ့ပြန်တတ်ပါတယ်။ လူတစ်ယောက်ကို ခင်မိရင် အဲဒီလူ ပြောတိုင်း မျက်စိမှိတ်ပြီး ယုံတတ်ပါတယ်။ မောင်ထက်ခိုင် သဘောလွယ်လို့ ချောက်ကျရပေါင်းလည်း များပါပြီ။ သို့ပေမယ့်လည်း အခုတော့ နည်းနည်းတော်သေးသည်။ မောင်ထက်ခိုင်ကို ချစ်သော၊ မောင်ထက်ခိုင် ယုံကြည်ရသော၊ မောင်ထက်ခိုင် အကျိုးကို လိုလားသောသူများက မောင်ထက်ခိုင်ကို တည့်မတ်ပေးပါသည်။ ကူညီပေးပါသည်။ ကာကွယ်ပေးပါသည်။ မောင်ထက်ခိုင်ကိုယ်တိုင်ကလည်း မှားမှန်းသိပြီး ပြုပြင်ရန် ဝန်မလေးပါ။ ထို့ကြောင့် မောင်ထက်ခိုင် အရင်ကထက် နည်းနည်းလေး တော်သေးသည်ပေါ့။ လူတိုင်းကို မယုံတော့ပါ။ ယုံကြည်သင့်သူကို ယုံကြည်၍ မယုံကြည်သင့်သူများကို ဖယ်ရှားပစ်လိုက်ပါပြီ။
ဟိုးအဝေး
