မစဉ်းမစား မဆင်မခြင်နိုင် မောင်ထက်ခိုင်
မောင်ထက်ခိုင် ကိစ္စတော်တော်များများကို မစဉ်းစား၊ မဆင်ခြင်ဘဲ လုပ်တတ်ပါသည်။ မစဉ်းစားတော့ အမှန်ကို မမြင်နိုင်ပြီပေါ့။ အဲဒီတော့ မှားပြီ။ မောင်ထက်ခိုင်မှာ အမှားအမှန်ကို ဝေဖန်ပိုင်းခြားနိုင်သော စဉ်းစားညာဏ်မရှိတော့တာလား။။မောင်ထက်ခိုင် မစဉ်းစားဘဲ လုပ်တိုင်း မောင်ထက်ခိုင်ပဲ ခံရတာပါ။ ဘယ်သူမပြု မိမိမှု ဆိုတာကိုး။ မောင်ထက်ခိုင် မစဉ်းစားနိုင်တော့တာ ဘာကြောင့်ဆိုတဲ့ အကြောင်းပြချက်တစ်ခု ရှိပါသေးသည်။ ဒါကိုတော့ မောင်ထက်ခိုင်ရဲ့ အနီးဆုံးလူတွေ သိပါသည်။ ကိုယ့်အမှားကို တစ်စုံတစ်ယောက်၊ တစ်စုံတစ်ခု အပေါ် အပြစ်တင်တာလည်း မောင်ထက်ခိုင် မလုပ်ချင်ပါ။ ကိုယ့်ဟာကိုယ် မစဉ်းစား၊ မဆင်ခြင်နိုင်တာကိုပဲ အားမရတာပါ။ ထုံးစံအတိုင်း ဥပမာလေး မပါရင် စာမရေးတတ်တဲ့ မောင်ထက်ခိုင် ဇာတ်စုံခင်းလိုက်ပါဦးမည်။
ပြီးခဲ့တဲ့လက လောလောလတ်လတ်ကြီး မောင်ထက်ခိုင်တို့ ဧရိယာမှာ လေးဇီးကလပ် တေးဂီတ ဖျော်ဖြေပွဲ လုပ်သွားပါသည်။ မောင်ထက်ခိုင်တစ်ယောက် ဘယ်နေလိမ့်မလဲ။ အပြေးအလွှား သွားကြည့်သည်ပေါ့။ သွားကြည့်တော့ ဘာဖြစ်သတုန်း။ ဘာမှမဖြစ်ပါခင်ဗျာ။ ပြသနာက ပွဲပြီးမှ ဖြစ်တာပါ။ ပွဲပြီးတော့ ပွဲစီစဉ်သူများက သူတို့ အိမ်ကို လိုက်ခဲ့ဖို့ ခေါ်ပါတယ်။ ပွဲအပြီး အောင်ပွဲခံ ပါတီလုပ်မယ်ပေါ့။ မောင်ထက်ခိုင်တစ်ယောက် သွားချင်လိုက်တာ ရွထနေပါသည်။ သူမကတော့ သဘောမတူပါ။ သူမက အကျိုးသင့် အကြောင်းသင့် ရှင်းပြပါသည်။ အကြောင်းပြချက် ခိုင်ခိုင်လုံလုံနဲ့ပါ။
တစ်အချက် - ပွဲစီစဉ်သူများဟာ ပစ္စည်းတွေ သိမ်းရပါမယ်။
နှစ်အချက် - အဆိုတော်တွေက ပင်ပန်းနေပါပြီ။
သုံးအချက် - သွားရမည့် ခရီးက ဝေးပါတယ်။
လေးအချက် - အချိန်က ညနက်နေပါပြီ။
ငါးအချက် - ပြောသာပြော၊ ခေါ်သာခေါ်တာပါ။ အစီအစဉ် ကျကျနနလည်း မရှိပါ။
သေသေချာချာ ပြန်စဉ်းစားကြည့်တော့ သူမ ပြောတာ နည်းလမ်းကျပါသည်။ မောင်ထက်ခိုင်ကတော့ မစဉ်းစားပါ။ သွားမယ် ဆိုတာချည်းပါပဲ။ ဒီနေရာမှာ သဘောထား ကွဲလွဲပါပြီ။ မစဉ်းစားတတ်သော မောင်ထက်ခိုင်နဲ့ စဉ်းစားတတ်သော သူမတို့ နားလည်မှု လွဲမှားပြီး ဆက်ဆံရေး မပြေလည်မှုတွေ ဖြစ်ပွါးပါသည်။ နှစ်ဦးနှစ်ဘက် ဘယ်သူမှ မလျှော့ချင်ပါ။ နောက်ဆုံးတော့ မောင်ထက်ခိုင်က သူမကို အိမ်ပြန်ပို့ပါမည်။ ပြီးရင် မောင်ထက်ခိုင်ကတော့ ပါတီကို သွားမည်ဟု ဆုံးဖြတ်လိုက်ပါတယ်။ သူမက အိမ်ကို အပြန်လမ်းတစ်လျှောက်လုံးလည်း အမျိုးမျိုး ဖျောင်းဖျပါသည်။ မရတော့ပါ။ မောင်ထက်ခိုင်ကို သိကြားမင်းကြီး ဆင်းတားတောင် မရတော့ပါ။ ဒီလိုနဲ့ မောင်ထက်ခိုင် မျော်လင့်တကြီးနဲ့ ပါတီလုပ်မယ်ဆိုတဲ့ အိမ်ကို ချီတက်သွားပါတယ်။ အဲဒီအိမ်လည်း ရောက်ရော မောင်ထက်ခိုင်တစ်ယောက် ပက်လက်ကို လန်ပါရော။ ဘာပါတီမှ မရှိပါ။ အဆိုတော်တွေက ပင်ပန်းလို့ အိပ်နေပါပြီတဲ့။ ပြန်တဲ့လူတွေတောင် ပြန်ကုန်ပါပြီ။ မောင်ထက်ခိုင်တစ်ယောက်မှာတော့ အချိန်ကုန် လူပင်ပန်း ဗိုက်ဆာရက်ကြီးနဲ့ တပ်ခေါက်ပြန်ခဲ့ရပါတယ်။ အစကတည်းက စဉ်းစဉ်းစားစား လုပ်ခဲ့ဖို့ ကောင်းပါသည်။ အခုတော့ သူမနဲ့ သဘောထား ကွဲလွဲပြီး ရန်ဖြစ်ခဲ့ရတာပဲ အဖတ်တင်ပါသည်။
နောက်ဆက်တွဲအနေနဲ့ကတော့ ထုံးစံအတိုင်း သူမ စိတ်ကျေနပ်အောင် တောင်းပန်လိုက်ရပါသည်။ မောင်ထက်ခိုင် မှားကြောင်း ဝန်ခံရတော့ မခံချိမခံသာပေါ့ ခင်ဗျာ။ မတောင်းပန်လို့လည်း မရဘူးလေ။ မောင်ထက်ခိုင်က မှားခဲ့ပြီကိုး။ ဒီဥပမာလေးက ဘာမှမဟုတ်သေးပါ။ ဒီထက်မက မှားခဲ့တာတွေ အများကြီးပါ။ အမှားကြီးနဲ့ အမှားလေးသာ ကွာခြားပါသည်။ မှားတော့မှားခဲ့သည်ပေါ့။ ကြုံကြိုက်လို့ ကာတွန်းအော်ပီကျယ်ရဲ့ ကာတွန်းလေးကို ပြောပြပါဦးမည်။ သူများအမှားကနေ သင်ခန်းစာ ယူတတ်တာ လူလိမ်မာ။ ကိုယ့်အမှားကနေ သင်ခန်းစာ ယူတတ်တာ လူမိုက်။ ကိုယ့်အမှားကနေ သင်ခန်းစာ မယူတတ်တာ ပိုမိုက်တဲ့သူ။ ဒီတော့ မောင်ထက်ခိုင်က လူမိုက်တစ်ယောက်ပေါ့။ ကိုယ့်အမှားကနေ သင်ခန်းစာ ယူနေတာကိုး။ မောင်ထက်ခိုင် ပိုမိုက်တဲ့သူတော့ အဖြစ်မခံနိုင်ပါ။ လူလိမ်မာလေး မောင်ထက်ခိုင်တော့လည်း မဖြစ်နိုင်သေးပါ ခင်ဗျာ။ ကိုယ့်ဟာကိုယ် စဉ်းစား ဆင်ခြင်နိုင်အောင် ကြိုးစားရင်း လူမိုက်ကလေး မောင်ထက်ခိုင် လုပ်လိုက်ပါဦးမည်။ ပိတ်သတ်ကြီးလည်း မောင်ထက်ခိုင် မစဉ်းမစား မဆင်မခြင်လုပ်တာများ မြင်တွေ့ခဲ့ရင် တွေ့တဲ့နေရာမှာ တားပါ။ ဆီးပါ ခင်ဗျာ။ ကျေးဇူးတင်ပါတယ် ခင်ဗျား။
ဟိုးအဝေး
