ပြုသူအသစ် ဖြစ်သူအဟောင်း

တချို့တချို့သော လူတွေကို ပြောပါတယ်။ မနာကျည်းတတ်တာလား။ အမှတ်မရှိတာလား။ ပြောလိုက်တဲ့ စကားတွေက တိုးလို့ မပေါက်တာလား။ သူတို့လုပ်ချင်တာ လုပ်လိုက်ကြ။ ခံရတဲ့သူက ပြန်ရန်တွေ့ရင် ဟီးဟီးဟားဟားနဲ့။ နာနာကျည်းကျည်း ပြစ်ပြစ်နှစ်နှစ်ပြောလည်း ပန်းလေးနဲ့ ပေါက်သလား ထင်နေတယ်။ အဆိုးဆုံးက ကိုယ်က စေတနာနဲ့ နောက်နောင်မဖြစ်ရအောင် ပြုပြင်ဆုံးမနေတာကို ဟီးဟီးဟားဟား လုပ်တာပဲ။ သူတို့လုပ်လိုက်လို့ တစ်ဖက်သား ဘယ်လောက် စိတ်ဆိုးသလဲ သူတို့မသိဘူး။ ရှင်းပြ ပြောပြတော့လဲ ဟီးဟီးဟားဟားထဲက မထွက်ဘူး။ ဒေါသတွေ အချောင်းလိုက် ထွက်နေလည်း ဂရုမစိုက်ဘူး။ သူတို့ကို ဘယ်လို ဆက်ဆံရမှန်းတောင် မသိတော့ဘူး။ ဒီလိုလူတွေကို နောက်ထပ် မမြင်ရ၊ မတွေ့ရပါစေနဲ့တော့။ သူတို့အတွက်ကတော့ ပြုသူအသစ် ဖြစ်သူအဟောင်း ပဲလေ။

ဖြစ်သူအဟောင်း
စနေသီဟ

ပန်းလေးတစ်ပွင့်

ဒီနေ့ သူမနဲ့ စကားများပါတယ်။ ဘာရယ်မဟုတ်ပါဘူး။ ဂျီတော့မှာ မက်ဆေ့ရေးတာက စတာပါ။ လွန်ခဲ့တဲ့ တစ်ရက်က နှင်းတွေ တစ်အားကျပါတယ်။ ဒီတော့ ကျနော်က ဂျီတော့ မက်ဆေ့မှာ ကိုယ်ရယ်၊ နှင်းရယ်၊ မိုးလေးရယ် လို့ရေးမိပါတယ်။ သူမ တွေ့သွားတော့ ဘယ်က နှင်း လဲတို့၊ ဘယ်က မိုးလေး လဲတို့၊ ဖြစ်လာပါတယ်။ ကျနော်လည်း စိတ်ပေါက်ပေါက်နဲ့ ဂျင်နီနဲ့ မိုးဟေကိုလို့ ပြောလိုက်ပါတယ်။ ဖြစ်ချင်တော့ ဂျင်နီလေး မာစတာ သင်းကြန် ၃ ထဲမှာ ကတာကို အရမ်းလန်းတယ်လို့ ပြောထားတာကလည်း လောလောလတ်လတ်ကြီး ဖြစ်နေပါတယ်။ မိုးလေးကတော့ အစကတည်းက သူမ ကြည့်မရသူဆိုတော့ ပြီးပါလေရော။ မိုးမီးလောင်တယ် ဆိုတာ ပရိတ်သတ်ကြီး ကြားဖူးကြမှာပေါ့။ မယုံမရှိပါနဲ့။ အပြင်မှာ တစ်ကယ်ရှိပါတယ်။ တွေ့ကရာ ပစ္စည်း အကုန် လွှင့်ပစ်တာကို ခေါ်တာပါ။ မိုးမီးလောင်တော့ အရာအားလုံး ပြုတ်ကျလာသလိုပေါ့။ ဖြေရှင်းချက်တောင်းပါတယ်။ ထုချေလွှာတင်ခိုင်းပါတယ်။ ဆတ်ဆော့မိတဲ့ ငမိုက်သား ကျနော် ချော့ပေဦးတော့။ နှင်း ဟူသော ကောင်မလေးနဲ့ မိုးလေး ဟူသော ကောင်မလေးတို့ သူမရဲ့ စွပ်စွဲချက်အောက်မှာ အတုံးအရုံးပေါ့ ခင်ဗျာ။ ကျနော့်ရဲ့ မြောက်များလှစွာသော ရည်းစားဟောင်းကောင်မလေးများထဲက နှင်း နဲ့ မိုး ကို ဆွဲထုတ်လိုက်ပါတယ်။ တန်းစီစမ်း။ နင်တို့ ဘာကြောင့်လိုက်နှောင့်ရှက်နေရသလဲ။ ပါးကို ဘယ်ပြန်ညာပြန် ရိုက်ပစ်လိုက်ပါတယ်။ သူမ တစ်ယောက်ထဲ ပွဲကြမ်းနေတာပါ။ ကျနော်ကတော့ မျက်နှာငယ်လေးနဲ့ ငေးကြည့်လို့။ သနားစရာပုံလည်း ဖမ်းရပါသေးတယ်။ ဒီကောင်မလေး နှစ်ယောက် လုပ်တိုင်း ခံနေရတဲ့ ပုံနဲ့။ စိတ်ကူးထဲမှာတော့ တယ်ဟုတ်ပါလား။ ဟာ ဘာတွေလျှောက်ပြောနေတာလဲ။ သူမ အဲလိုမလုပ်တတ်ပါ။ ငိုလို့ ချည်းသာနေပါတယ်။ သူမ တစ်ယောက် သူများပါးရိုက်ဖို့ နေနေသာသာ စကားတောင် ကျယ်ကျယ် ပြောတတ်သူ မဟုတ်ပါ။ နူးညံ့လွန်းသော ပန်းလေးတစ်ပွင့်ပါ။ လူကြမ်းကြီး ကျနော်သာ မိုက်မိုက်ကန်းကန်း လုပ်တတ်တာပါ။ အခုကိစ္စမှာလဲ ကျနော်ကတော့ လူကြမ်းကြီးပေါ့။ သူမကို ငိုအောင်လုပ်သူပေါ့။ ကျနော် စိတ်ကို ပြန်တင်းလိုက်ပါတယ်။ အရစ်ခံရတဲ့ ကျနော်သာ သနားစရာလေးပါ။ အမှန်ကတော့ ဘာမှသနားစရာ မရှိပါ။ အားတိုင်းယားတိုင်း လျှောက်ရေးတတ်သော ကျနော်ပါပဲ။ နောက်ဆုံးမှာတော့ သူမကို တစ်ရက်တိတိ စိတ်ကျေနပ်အောင် ချော့လိုက်ရပါသည် ခင်ဗျား။