ခွန်အားသစ်

ခွန်အားသစ်

လှောင်ချိုင့်စံ အရိပ်တစ်ခု
ဂုဏ်ပကာသန လိုက်ကာနောက်မှာ
ပိန်းပိန်းမှောင် တောနက်
အိပ်မက်မြေပုံ မိတ်ဆက်တုန်း
မျက်လုံး တစ္ဆေခြောက်
တံဆိပ်ကပ် အကြည့်
နိဂုံးအနမ်းတွေကို တရှိုက်မက်မက်သောက်
အချစ်ကို လှစ်မပြချင်သူ
အရာအားလုံးကို သက်သေပြမယ်
အလင်းတန်း သန်းပေါင်းများစွာ
ငါ့ရင်ကို ဖောက်ထွင်း
အမြဲစိမ်းလမ်းတွေစမ်းလျှောက်
ပျိုမြစ်ခြင်းကို
အသစ်တဖန် စုတ်ဖြဲပစ်မယ်။ ။

စနေသီဟ

တစ်ပွဲတိုး မောင်ထက်ခိုင်

မနေ့က ကျနော် သင်္ချာစာမေးပွဲတစ်ခု ဖြေပါတယ်။ ပရော်ဖက်ဆာက မေးခွန်းပုံစံတစ်ခု ပေးပါတယ်။ ဆင်တူရိုးမှားလေး တွေမေးမယ်ဟုလည်း ပြောပါတယ်။ မေးခွန်းပုံစံကို လေ့ကျင့်ရင် လုံလောက်ပြီဟုလည်း သတိပေးပါတယ်။ အီဖေကိုကလဲ ဒါမျိုးဆို သိပ်ကြိုက်ပေါ့။ မေးခွန်းပုံစံကိုပဲ အထပ်ထပ် တွက်ပါတော့တယ်။ ကိုယ့်ဟာကိုယ်တော့ အပိုင်ပေါ့။ မေးခွန်းငါးခုမှာ သုံးခုပဲဖြေရမှာဆိုတော့ အေးဆေးပေါ့။ စာမေးပွဲခန်းထဲ ရောက်လို့ မေးခွန်းဝေတော့မှ ပရော်ဖက်ဆာက ဘာစိတ်ကူးပေါက်သည်မသိ။ သုံးပုဒ် မေးပြီး သုံးပုဒ် ဖြေခိုင်းပါတော့သည်။ ရွေးစရာလည်း မရှိ။ ကြိုက်ကြိုက် မကြိုက်ကြိုက် ဖြေပေတော့။ ဒီနေရာမှာ မောင်ထက်ခိုင် သင်ခန်းစာတစ်ခု ကောင်းကောင်းကြီး ရလိုက်ပါတယ်။ ဘာမှအပိုင် တွက်လို့မရဘူးဆိုတာပါပဲ။ ရှိစေတော့။ သုံးပုဒ် ဆိုတော့လည်း သုံးပုဒ်ပေါ့နော်။ ဒီနေရာမှာ မေးစရာလေး ပေါ်လာပါတယ်။ ငါးပုဒ် တွက်ထားတာပဲ ဘာကြောက်စရာရှိလဲလို့ ပရိတ်သတ်ကြီးက ပြောကြပါလိမ့်မယ်။ ဟုတ်ပါတယ်။ ကြောက်စရာမရှိပါဘူး။ ဒါပေသိ မောင်ထက်ခိုင် မှားပုံလေး ပြောပါရစေ။ မောင်ထက်ခိုင်၏ ထုံးစံအတိုင်း ဟိုနည်းနည်း ဒီနည်းနည်း တွက်တတ်ချက်တတ်တော့ ငါးခုစလုံး ရောသွားပါပြီ။ ငါးပုဒ်လာရင် ဘယ်အပုဒ်ကဘာဆိုတာ ခွဲရတာ လွယ်ပါတယ်။ သုံးပုဒ်တည်းပဲ မေးတော့ ဘယ်အပုဒ်က ဘယ်အဖြေဆိုတာ မမှတ်မိတော့ပါဘူး။ ဟိုပုံသေနည်းလိုလို ဒီဖော်မြုလာလိုလိုနဲ့ အဖြေမထွက်တော့ဘူး ခင်ဗျ။ မောင်ထက်ခိုင် ဘာဆက်လုပ်တယ် ထင်ပါသလဲ။ ရောသမမွှေ လုပ်လိုက်ပါတယ်။ သက်သေပြချက်အသစ်တွေ ထွက်လာပါတယ်။ အဖြေတော့ထွက်တယ် ခင်ဗျ။ မမှန်ဘူး။ ဘာဖြစ်ဖြစ် ဆက်ကြိတ်လိုက်တော့ သုံးခုစလုံး မှတ်မိသလိုလို ရှိလာပါတယ်။ ဝမ်းနည်းစရာပါပဲ။ အချိန်ပြည့်သွားပါပြီ။ ကျနော်မောင်ထက်ခိုင် ဘာများတတ်နိုင်ပါမည်နည်း။ ဆုတ်ပြန် ဆန်ပြုတ်ပေါ့။ ပရော်ဖက်ဆာကို ပြောပါသေးတယ်။ ကျနော် သက်သေပြထားတာလေးတွေကို သေသေချာချာစဉ်းစားပေးပါလို့။ ပရော်ဖက်ဆာက မောင်ထက်ခိုင်ရဲ့ အဖြေလွှာကို တချက်ကြည့်ပြီး စိတ်ဝင်စားစရာပဲလို့ အားပေးရှာပါသည်။ မောင်ထက်ခိုင် ကောင်းကောင်းနားလည်လိုက်ပါပြီ။ ကိုယ့်ဟာကိုယ် ယုံကြည်မှု လွန်ကဲလွန်းရင်လဲ မကောင်းပါ။ သေသေချာချာ နားမလည်ပဲ တစ်ပွဲတိုးလုပ်၍မရကြောင်းပါ။

အချိန်မရှိပါ

အချိန်မရှိပါ

မနက် အိပ်ရာနိုးလို့ ဖုန်းဆက်ရင်
အလှပြင်နေတယ် မအားဘူးတဲ့
အချစ်လေး လှပါစေပေါ့။

နေ့လည် ထမင်းစားချိန်
အတူတူ စားဖို့ အကြံပြုတော့
အလုပ်တွေများနေတယ် မအားဘူးတဲ့
အချစ်လေး ကြိုးစားပါစေပေါ့။

ရုံးဆင်းရင် ခဏ တွေ့ပါရစေ
အသနားခံ တောင်းပန်တော့
သင်တန်းရှိတယ်တဲ့
အချစ်လေး သင်ကြားပါစေပေါ့။

အိပ်ခါနီးလေး ဖုန်းပြောချင်လို့
စာကျက်စရာရှိတယ်
မြန်မြန်ပြောပါတဲ့
အိပ်ရတော့မယ်
မနက်ဖြန် ရုံးတက်ရမယ်
အချစ်လေး အိပ်ရေးဝပါစေပေါ့။

ဒါပေမယ့် အချစ်ရယ်

ကိုအိပ်ရာထဖို့ နှိုးစက်ကလေး
အချိန်မှန်ပေးတတ်သော
အသံစာစာလေး တစ်ယောက်
ကိုရှာထားလိုက်တယ်။

ထမင်းစားချိန် ခံတွင်းမြိန်ဖို့
ဂရုစိုက်တတ်တဲ့ မမကြီး တစ်ယောက်
ဟင်းတွေယူလာလို့
ကို သူနဲ့ ထမင်း အတူစားတတ်နေပြီ။

သင်တန်းတက်ချိန်
ဂိမ်းလိုက်ကစားတဲ့
ဝါသနာတူလေး တစ်ယောက်
ကို့ဘေးနားရှိနေပြီ။

တညလုံး ပြောမဆုံးနိုင်တဲ့
တီတီတာတာ သာလိကာမလေးတစ်ယောက်
အိပ်ရာဝင်တေးလေးတွေ ဆိုနေပြီ။

ကိုတစ်ယောက်ပဲလား
အချစ်လေးရော အနားနားက
ကွက်လပ်လေးတွေဖြည့်နေပြီလား။

စနေသီဟ

ကျနော့် ကောင်မလေး..

ကျနော့ ကောင်မလေး.. ကျနော် ငယ်ငယ်က ကောင်မလေးတစ်ယောက် ရှိဖူးတယ်။ မေမေ့ အလုပ်တူ သူငယ်ချင်းရဲ့သမီး ကျနော်ထက် နှစ်နှစ်လောက်ငယ်တဲ့ ကောင်မလေးပါ။ပထမဆုံး ကောင်မလေးသူ့မေမေနဲ့ ကျနော်တို့အိမ်ကိုလာလည်တုန်းက ကျနော်တအံ့တဩ ငေးကြည့်နေခဲ့ရတဲ့ကောင်မလေးပေါ့။ အကြောင်းအရာမမှတ်မိတော့ပေမယ့် အထိမ်းအမှတ်တခုကြောင့် ဖေဖေ့ခွင့်ပြုချက်နဲ့ ကျနော် ငါးမွေးခွင့်ရပြီး သိပ်မကြာသေးခင် အချိန်ကပါ။ စကပ်လိုလို ဂါဝန်လိုလို အဝါရောင်ဝတ်စုံနဲ့ ကောင်မလေး.. ကျနော်က ညီမလေးလို့နှုတ်ဆက်တော့ မျက်မှောင်ကုတ်ထားတဲ့ အကြည့်တချက်နဲ့ တုန့်ပြန်တယ်။ အတော်ရီရတဲ့ ကောင်မလေးလို့ ။ အဲ့ကောင်မလေးက ကျနော့ ငါးကန်ကိုတော့ စိတ်ဝင်တစား လေ့လာနေခဲ့တယ်။ မေမေကတောင်ပြောသေးတယ်။ သမီးလေးရော ငါးကန်ပူဆာပေါ့တဲ့။ ဟာဟ။ မကြာပါဘူး.. ကျနော့မေမေက ကောင်မလေးကိုမေးတယ်။ သမီးလေး ဘာစားမလဲ.. ဗိုက်စာပြီလားလဲဆိုရော.. ကျနော့ကောင်မလေး မဆိုင်းမတွ ကျနော့ငါးကြီးကို လက်ညိုးထိုးလေရော့။ အဲဒါ ကြော်စားချင်တယ်တဲ့။ အားလုံး ဘာပြောရမယ်မှန်းမသိ ရယ်လိုက်ကြတာ။ အကြင်နာမဲ့တဲ့ ကျနော့ ကောင်မလေး။ သေချာတာတခုက ကောင်မလေးကစကားနည်းတယ်။ ကြီးကျယ်တာလည်းဖြစ်နိုင်ပါတယ်။ ကောင်မလေးနဲ့ ကျနော်မရင်းနှီးခဲ့ပါဘူး။ မေမေ့ဆီကပဲ မှုန်တေတေကောင်မလေး အကြောင်းတစွန်းတစလိုလို ကြားဖြစ်နေခဲ့ပါတယ်။ ကျနော့်မှာ မောင်နှမမရှိဘူး။ ညီမလေးတွေ ညီလေးတွေ ကျနော် လိုချင်ပါတယ်။ ဝမ်းကွဲညီနှစ်ယောက်တော့ရှိတယ်။ ရှားရှားပါးပါး ကျနော့ကစားဖက်တွေ။ ကောင်မလေး အမေကသားလေးတယောက် ထက်မွေးတော့မယ်ဆိုတဲ့သတင်း မေမေက ပြောတော့ ကျနော်ကောင်မလေးအတွက် ဝမ်းသာပေးမိတယ်။ ဒါပေမယ့် ကျနော့ကောင်မလေးကတော့ ဝမ်းသာပုံမပေါ်ပါဘူး.. သူ့မေမေကို ကလေးတယောက်ထက်မွေးရကောင်းလားလို့ စိတ်ဆိုးပြီး သူ့အဖိုးအဖွားအိမ်ကို အပြီးပြောင်းသွားသတဲ့။ ကျနော်သေချာလိုက်တယ်.. ကျနော့်ကောင်မလေး မချစ်တတ်ဘူး..။ ကျနော်သိပါတယ်။ ကောင်မလေးက စာတော်တယ်။ ကျနော် တိရိစ္ဆာန်ကုဆေးတက္ကသိုလ်တက်ပြီး ပထမနှစ်မှာ မေမေနဲ့တူတူကောင်မလေးတို့အိမ်ရဲ့ အလှူတစ်ခုကိုရောက်ခဲ့တယ်။ ဆယ်တန်းတက်နေတဲ့ ကျနော့ကောင်မလေး ထမီဝတ်ထားတာတော့ အတော်ပုံမကျဘူးဗျ။ အလှူရှင် ကောင်မလေးက ငယ်ငယ်ကလိုပဲ ကျနော့ကို မျက်မှောင်ကုတ်ပြီး နှုတ်ဆက်တုန်းပဲ။ ကောင်မလေးမေမေက သူ့သမီးလေးကိုလည်း ဆရာဝန်သိပ်ဖြစ်စေချင်ပုံပါပဲ။ ကောင်မလေးကတခွန်းဝင်ပြောတယ်.. ဝါသနာမပါဘူးတဲ့။ အဲဒီညက ကျနော်ပထမဆုံးအကြိမ် ကောင်မလေးကို အိပ်မက်မက်တယ်။ ကျနော့ကောင်မလေးက ချစ်ဖို့ကောင်းပါတယ်။ ကောင်မလေး ဆယ်တန်းဖြေဖို့ရက်မှာ ကောင်မလေး ဖိုးဖိုး ဆုံးသွားလို့ ကျနော်နဲ့မေမေ နောက်တခေါက် ထပ်ရောက်ဖြစ်ကြတယ်။ ကောင်မလေး ငိုတယ်။ နံရံဒေါင့်မှာ ကြုံ့ကြုံ့လေး ငိုနေတဲ့ ကောင်မလေးကို ကျနော် နှစ်သိမ့်ချင်စိတ်.. ကျနော် ပထမဆုံးအကြိမ် ကောင်မလေးကို စကားပြောမိတယ်။ 'မငိုပါနဲ့ ညီမလေးရယ်' ..။ မျက်ရည်တွေဝိုင်းနေတဲ့ မျက်ဝန်းအစုံနဲ့ ကောင်မလေးက ကျနော့ကို တွေတွေငေးကြည့်တယ်။ ကျနော် ခဏ ဆွံ့အနေခဲ့တယ်။ ကောင်မလေးကပဲပြောတယ်.. 'ကျေးဇူးတင်ပါတယ်' တဲ့။ ဒုတိယအကြိမ်ဟာ အိပ်မက်မဟုတ်ပါဘူး..။ ကျနော် ဒီမိန်းကလေးကို ဘယ်အကြောင်းကြောင့်မှ မငိုစေချင်ဘူး။ ကောင်မလေးတို့ မိသားစုက ပညာရေးလောက နဲ့တနီးတဖုံအားလုံး ပတ်သတ်ကြတယ်။ ပညာရေးကိုအားပေးပြီး ပညာတတ်မှလူရာဝင်မယ်ဆိုတဲ့စကားမျိုး ကျနော်မကြာခဏ ကြားဖူးရတယ်။ ဆယ်တန်းအောင်စာရင်း မထွက်ခင် ကောင်မလေး ကြီးကြီးက ကောင်မလေးအတွက် အောင်စာရင်းကြိုကြည့်ပေးလို့ ကောင်မလေး ကြိုငိုနေပြီလို့ မေမေပြောတော့ ကျနော် တော်တော်လန့်သွားတယ်။ ဘာကြောင့်ငိုရပါလိမ့်။ ကျတော့မကျဘူးလို့ မေမေကပြောတယ်။ ဂုဏ်ထူး သုံးခုပဲပါလို့ တဲ့။ ဖြစ်မှဖြစ်ရလေ ကျနော့ကောင်မလေးရယ်။ ကျနော်ပြောသားပဲ..။ ကောင်မလေးက တော်ပါတယ်။ မေမေပြောတဲ့ ကောင်မလေးက ဆရာဝန်မှတ်မီတယ်ဆိုတဲ့စကားက အဓိတ်ပ္ပါယ်မဲ့စွာ ကျနော့ကို မျှော်လင့်ချက်တွေပေးတယ်။ ကျနော်တို့ကျောင်းကို သူမ ရောက်လာလေမလား? အဲဒီ့ချိန်က ကျနော့ဘေးက မိန်းကလေးနဲ့ ကျနော်အကြောင်းပြချက်မရှိ အဆက်အသွယ်ပြတ်ခဲ့တယ်။ ကောင်မလေး.. 'နင်လာမယ်ဆို.. ငါအခန်းရှင်းထားမယ'်။ကျနော့ ရူးသွတ်မှု သက်သက်ပါပဲ။ ကောင်မလေးက 'ဝါသနာမပါတာ မလုပ်ပါရစေနဲ့' ဆိုတဲ့အကြောင်းပြချက်နဲ့ GTC တက်တယ်။ ဒီနောက်ပိုင်း ကျနော်ကောင်မလေးအကြောင်း အချိန်အကြာကြီး လစ်လပ်သွားခဲ့တယ်။ကျနော်တို့အိမ်မှာ ဘုရားပင့်ဆွမ်းကပ်တော့.. ကောင်မလေးမေမေက ကောင်မလေးမောင်လေးနဲ့လာတယ်။ ကျနော့အတွက် သတင်းဆိုးပါပဲ။ ကျနော် ကောင်မလေးမေမေကို မေးတယ်.. ညီမလေးရောလို့။ 'သား ညီမလေးက အိမ်ကိုမခင်ဘူး.. သူ Singapore မှာကျောင်းသွားတက်နေတာ.. ၄လလောက်တောင်ကြာရောပေါ'့ တဲ့။ကျနော် ဆရာဝန်ဖြစ်ပြီလို့ ပထမဆုံး နယ်မှာတာဝန်သွားရဖို့ လိုတဲ့ပစ္စည်းတွေ ဝယ်ဖို့အဲဒီ့ချိန်က ကျနော့ဘေးမှာရှိနေခဲ့တဲ့ မိန်းကလေးနဲ့ ကျနော်ဈေးကိုရောက်ခဲ့တယ်။ မမျှော်လင့်ထားမိတဲ့ မြင်ကွင်းတစ်ခုပါပဲ။ ကောင်မလေးက သူ့အန်တီ တစ်ယောက်နဲ့။ ကျနော်.. နှုတ်ဆက်ဖို့ ဆွံ့အနေချိန်မှာ.. ကောင်မလေးအန်တီက နှုတ်ဆက်တယ်။ ကျနော်တို့ ခဏစကားရပ်ပြောဖြစ်တယ်။ ကျနော်ကျောင်းပြီး တဲ့အကြောင်း.. ကောင်မလေး ခဏပြန်လာတဲ့အကြောင်း.. မေမေ့ကိုလည်း သတိရကြောင်းပြောလိုက်ပါဆိုတဲ့အကြောင်း..။ ဘာမှဝင်မပြောတဲ့ ကောင်မလေးက လှည့်ထွက်မှ ကျနော့ကို ပြုံးပြတယ်.. 'သွားလိုက်ပါအုံးမယ် ရှင်' တဲ့။ ကျနော့အိမ်ပြန်လမ်းအထိ ကျနော့မိန်းကလေးကို စကားပြောဖို့ မေ့နေခဲ့တယ်။ ကျနော့ ကောင်မလေးမှာ Singapore ကအရိပ်တွေမြင်ရတယ်။ သင်းနေတဲ့ရနံ့ရယ်.. သိပ်လှတဲ့ဖိနပ်ကလေးရယ်.. စွပ်ကြယ်နဲ့တူတဲ့ကောင်မလေး အင်္ကျီပေါ်က BE MINE ဆိုတဲ့စာတန်းလေးရယ်..။ မျက်ဝန်းတွေနဲ့ပြုံးပြတတ်လာတဲ့ကောင်မလေး နှုတ်ခမ်းရယ်.။ နောက်တခေါက်ပြန်မသွားပါနဲ့တော့ ကောင်မလေးရယ်.။မေမေ့ကို ကျနော်နယ်မသွားခင် အန်တီတို့အိမ်သွားလည်ရအောင်လို့ အစပ်အဆက်မရှိ ပြောမိတယ်။ မေမေက စိတ်ဝင်တစားပဲ။ ဒါနဲ့ ကောင်မလေးပတ်ဝန်းကျင်ကို ကျနော် ရောက်ခဲ့ပါတယ်။ ကောင်မလေးရယ်.. နင်ပြုံးတတ်ခါမှ..။ အမှတ်မရှိစွာ ကျနော် အသည်းကွဲပါတယ်.. ကောင်မလေးကို စိတ်မချစွာ မသွားစေချင်ဘူးလို့ ပြောနေတဲ့ ကောင်မလေးမေမေ.. ကျနော့မေမေကတော့ သမီးလေးက တော်လိုက်တာလို့ ပြောပါတယ်.. ဒါပေမယ့် ကောင်မလေးရယ်.. ဘယ်လိုသတ္တိတွေနဲ့.. နင်တစ်ယောက်ထဲ သွားမှာလဲ? ကောင်မလေးရယ် USA တဲ့လား? အဝေးကြီးပဲ.. အဝေးကြီးပါပဲ..။

အမည်သနာ ခေါ်စရာကား

အမည်သနာ ခေါ်စရာကား

တစုံတဦးက မင်းဘယ်သူလဲ လို့မေးလာရင် ဘယ်လိုဖြေရပါ့။ ကိုယ့်ဟာကိုယ်ပေးထားတဲ့နံမယ်က မောင်ထက်ခိုင်။ ကဗျာရေးတော့ စနေသီဟ။ ဘလော့ရေးတော့ ဟိုးအဝေး။ လူကြီးတွေ ခေါ်တာကျတော့ ငဆိုးထက်ခိုင်။ သူမကတော့ ဟဲဟဲ ဘယ်ပြောလို့ ဖြစ်မလဲ။ တခါတလေ ကိုယ့်ဟာကိုယ် ဘယ်သူမှန်း ပြန်စဉ်းစားရပါတယ်။ နံမယ်တွေထပ်ပီး ရှုပ်ကုန်ရင် ခွင့်လွှတ်ကြပါ ခင်ဗျာ။ ပြောမယ့်သာ ပြောရတာ ဒီဘလော့ကို ဖတ်တဲ့လူက ရေကြည့်ရင် လက်ငါးချောင်းတောင် မပြည့်ပါဘူး။ ပရိတ်သတ်ကြီးကို အရင်ဆုံး ကျေးဇူးတင်ထားတာပါ။ တော်ကြာ စိတ်ဆိုးပီး မဖတ်တော့ရင် ဒုတ်ခ။ ဒီနံမယ်ရှင်းလင်းရေး အိုင်ဒီယာကို တခြား ဘလော့တစ်ခုကနေ ရတာပါ။ ကိုညီညီ(သံလွင်) ရဲ့ ဘလော့ကလို့ ထင်ပါတယ်။ မမှတ်မိတာကိုတော့ ခွင့်လွှတ်ကြပါခင်ဗျာ။ သူငယ်ချင်း တစ်ယောက်က နောက်ပါသည်။ နင့်နံမယ်က စနေသီဟ ဆိုတော့ သောကြာနောက်က ခြင်သေ့ကြီးပေါ့တဲ့။ ပေါက်ပေါက်ရှာရှာရှာ သူမို့လို့ စဉ်းစားမိတယ်။ မောင်ထက်ခိုင် ဆိုသော နံမယ်ကို ကိုယ့်ဟာကိုယ်ပေးဖြစ်သွားတာ ဒီလိုပါ။ ရန်ကုန်ဘဆွေ၏ ရွှေဝါပြည် စာအုပ်ကို ဖတ်ပီး ရောဂါထလာတာပါ။ စာအုပ်ထဲက ဇာတ်ကောင်နံမယ်ကို သဘောကျသွားလို့ပါ။ သူမက ဒီလို ခေါ်မယ်တဲ့။ ဘယ်လိုလဲလို့တော့ မစပ်စုဘာနဲ့ သူမက ဘယ်သူ့ကိုမှ မပြောရပါတဲ့ ခင်ဗျား။ ပြောရအုန်းမယ်။ သူမက သူ့အကြောင်းတွေ မရေးဘာနဲ့တဲ့။ အီဖေကိုကလဲ သူမ အကြောင်းပဲ ပြောချင်တာဆိုတော့ အကျပ်ရိုက်သွားတာပေါ့ဗျာ။ နဲနဲပါးပါး ဈေးဆစ်လိုက်တော့ ရေးတော့ရေးပေါ့ အများကြီး မရေးရဘူး ဆိုတဲ့ ခွင့်ပြုချက်လေး ရလိုက်ပါတယ်။ ဒါတောင် ဆင်ဆာလေးတော့ လုပ်အုန်းမှာ။ ဒါပေသိ ကျနော်ကတော့ မသိမသာလေး ခိုးခိုး ရေးအုန်းမှာ။ အရသာ ပိုရှိတာပေါ့ ခင်ဗျာ။ ဒီနေ့တော့ ဒီလောက်နဲ့ပဲ ကျေနပ်ကြပါ။ ကျနော့်ရဲ့ နံမယ် ရှင်းတမ်းလေးကို ဖတ်ပေးတာ ကျေးဇူးတင်ပါတယ် ခင်ဗျာ။

ဟိုးအဝေး

အီးမေးကနေ ရလာတာပါ။

အနမ်းတခုနဲ့.... ငါ

အနမ်းတခုနဲ့.... ငါ

အချိန်နဲ့ ဒီရေသည် လူကိုမစောင့်
သူမက စောင့်နေမယ်တဲ့
ပြောင်းပြန် အချိုးညီရင်း
ပီတိတွေ တပွေ့တပိုက်နဲ့
ပြန်ရမယ့်ရက်ကို လက်ချိုးရေလို့
အရိပ်တွေကို ဆောင့်နင်း
အမှောင်စောင့် နတ်သမီးရယ်
စောင့်နေသူ အတွက်ကိုလေ
ငါစိတ်မပြောင်းအောင်
အနမ်းတခုလောက်တော့ ဆုချပါရစေ။ ။

စနေသီဟ

ဖျော်ဖြေနေသောစကားလေးတစ်ခွန်း

နှလုံးမခုန်တော့ဘူးတဲ့
သူမက ပြောပါသည်
ရင်ဘတ်တွေ အေးစက်ကုန်ပြီလားတဲ့
တည့်တည့်မှန်ပါသည်
တခါတလေလဲ ပြောသေးတယ်
အရမ်းမုန်းတယ်တဲ့။ ။

စနေသီဟ

ကျွန်ုပ်ကြိုက်သောကာတွန်းများ

ကာတွန်းဆရာအော်ပီကျယ်

"ဟိုးအဝေး"ဆိုသောနံမယ်လေးကိုရွေးရခြင်း

"ဟိုးအဝေး"ဆိုသောနံမယ်လေးကိုရွေးရခြင်း

"ဟိုးအဝေးမှာနေတဲ့အခါ" အဆိုတော်အာဇာနည်ရဲ့သီချင်းတပိုင်းတစကိုဆိုရင်းဒီဘလော့ကိုဖန်တီးလိုက်လို့ဟိုးအဝေးလို့နံမယ်ပေးလိုက်တာပါ။ ဒီနံမယ်လေးကရိုးရိုးလေးနဲ့ဆန်းနေတယ်။ နိုင်ငံရပ်ခြားမှာနေထိုင်ဖူးသူတိုင်း "ဟိုးအဝေး" ဆိုတဲ့စကားကိုနားလည်ကြမှာပါ။ အမိမြေနဲ့ဝေးနေသူတိုင်းတမ်းတမ်းတတလွမ်းဆွတ်မိတဲ့အခါဟိုးအဝေးကိုသာငေးကြည့်နေရပါတော့တယ်။ ကျွန်တော်မောင်ထက်ခိုင်လည်းဆွေးနေသားနဲ့ဝေးမြေခြားမှဘလော့တစ်ခုကိုမနေနိုင်မထိုင်နိုင်စမိပြန်ပါပြီ။ ဘာအကြောင်းရေးမလဲလို့ မိတ်ဆွေများ ထွေထွေထူးထူး မေးမနေပါနဲ့ဗျာ။ ဟိုအကြောင်းဒီအကြောင်းလေးတွေရေးမှာပေါ့။ သိချင်ရင်ဝယ်ဖတ်လေ။ သိချင်ရင်ဝင်ဖတ်လို့ပြောတာပါ။